جلی کوردی بە ڕەنگی سەوز و سوور و زەرد و سپی و شین و هەموو ڕەنگەکان، هەروەها هێلەک و پۆشاکی جیاواز هەر لە بۆتانەوە تا بەهدینان لەگەڵ هەموو جۆرە شاڵ و کڵاوێکی ڕەسەنی ناوچەکان، دروستکراو لە ئاورێشم و خوری بوونی هەیە.

ئەم شوێنە قوتابخانەی سەماکانی کوردستانە، لە هەر کوێیەکی سەیر دەکەیت وانەیەکی تر دەکەوێتە بەر چاوان، لێرە هەست بە سروشت، دەشت و دۆڵ و شارەکانی کوردستان دەکەن.

قوتابخانەی سەمای کوردستان لە ساڵی ١٩٩٧ـەوە پەروەردەی سەمای فۆلکلۆری کوردی دەدات. لە کۆتایی هەر ساڵێکدا وانەکانی کۆتایی دەدرێن. وانەکانی کۆتایی هەفتەیەک دەخایەنن. ئەو خوازیارانەی لە ماوەی ٤ ساڵدا بەشدارییان لە پۆلەکانی کۆتاییدا کردووە، کاتێک لە تاقیکردنەوەکانیان سەرکەوتن، بڕوانامەی پەروەردەی سەمای کوردەواری بەدەست دەهێنن. هەروەها دەبێت تێز بۆ بڕوانامەی دەرچوون بنووسرێت. چوارچێوەی تێزەکان کەلتوور و هونەرە. ئەمساڵ لە کۆی ١٢٢خوازیار، تەنها ٧خوازیار دەچنە تاقیکردنەوەکان.

ئەو خوازیارانەی ئەمساڵ بەشداری پەروەردەکان بوونە، لە وڵاتانی ئەڵمانیا، فەرەنسا، سویسرا، هۆڵەندا و نەمساوە هاتوون. خوازیاران فێری سەمای هەرێم و ناوچەکانی؛ ئاگری، ئامەد، بۆتان، جولەمێرگ، گمگمێ، ئیدر، قەرەجداخ و ڕحا و نزیکەی سەد سەمای جیاوازی ئەم ناوچانە پەروەردە دەبینن.

جگە لەوەش لە پۆلەکاندا پەروەردەی جل وبەرگ، موزیک و زانست جێگیرکراون. هەندێک جار سیمینار لەسەر کولتوور و هونەر پێشکەش دەکرێت. هەندێک جار هەموویان پێکەوە نمایش دەکەن.

سەمای کوردستان گرنگترین ڕێکخراوی سەمای کوردانی ئەوروپایە. لە دەیان ناوەندی جیاواز و لەگەڵ چەندین گروپی سەمای جیاوازدا بەردەوامە لە کارەکانی. سەماکارانی کوردستان بە ساڵانێکی زۆرە لەم بوارەدا خەبات بەڕێوەدەبەن و خولی سەمای فۆلکلۆر بە کۆمەڵەکان پەروەردە دەدات.