دوسلدۆرف لەگەڵ ڕۆحی بەرخۆدانی زاپ ئاوێتە بوو

دەیان هەزار کەس لە شاری دوسلدۆرفی ئەڵمانیا لە دژی داگیرکاریی و هێرشەکانی دەوڵەتی تورک بە چەکی کیمیایی ڕێپێوانیان کرد و بە دروشم و سڵاویان لە بەرخۆدانی زاپ کرد و دەوڵەتەکانی پشتیوانی دەوڵەتی تورکیایان شەرمەزارکرد.

ڕێپێوان و گردبونەوەکە بە پێشەنگایەتی تەڤگەری ژنانی کوردی ئەوروپا (TK-E) و کۆنگرەی کۆمەڵگەی دیموکراتیکی کوردستان لە ئەوروپا بە دروشمی "پاراستنی کوردستان لە دژی هێرشی دەوڵەتی تورک و بەکارهێنانی چەکی کیمیایی" لە دوسلدۆرفی ئەڵمانیا ئەنجامدرا.

ڕێپێوانەکە لە کاتژمێر ١٢:٠٠ لە ناوچەی گراگۆس-ئادۆلف-پلاتز لە دوسلدۆرف بە بەشداری ٥٠ هەزار کەس دەستیپێکرد. کەسوکاری شەهیدان لەڕیزی پێشەوەی رێپێوانەکەدا بوون. کوردستانیان هەروەها لە ریزی دووەمی رێپێوانەکەدا بوون. هونەرمەندانی کورد بەگۆرانی بەشدارییان لە رێپێوانەکەدا کرد. لە ڕێپێوانەکە دروشم وترانەوە.

ئاڵاکانی کەجەکە، پەکەکە، یەپەگە و وێنەی ڕێبەری گەلی کورد عەبدوڵا ئۆجالان و پانکارتی " NATO-Mitglied Türkei setzt chemische waffen in Kurdistan ein "، "Solidarität mit der Kurdischen Freiheitsbewegung", " gegen turkische Besetzung und Einsatz von chemische Waffen", "Wer zu kurdistan Schweigt, soll Nicht über " بەرزکرانەوە.

ڕێپێوانەکە لە راینپارک بۆ میتینگ گۆڕا. نوێنەری لایەنە سیاسییەکان و مافی مرۆڤ و ژینگەناسان و بزووتنەوەی ژنان لە چوار پارچەی کوردستان قسەیان کرد.

پێشکەشکارەکە وتاری کردنەوەی گردبونەوەکەی پێشکەشکرد و گوتی: ئایا تا ئێستا بینیتانە کەسێک وێنەی بارزانی هەڵبگرێت؟ بەڵام سەیرکە گەلی کورد سەرەڕای هەموو سەختی و دژواری و قەدەغەکارییەکان بە شانازییەوە پێڵاوی گەریلا و وێنەی ڕێبەر ئاپۆ هەڵدەگرن."

گردبونەوەکە بە سرودی نەتەوەیی کورد "ئەی ڕەقیب" دەستیپێکرد. کاتێک سرودەکە گوترا، گەنجان ئاڵای  کەجەکەیان هەڵگرت و وێنەیەکی ڕێبەری گەلی کورد عەبدوڵا ئۆجالانیان بەرزکردەوە.

هاوسەرۆکانی کۆن - مەد زوبێدە زومروت و ئەنگین سێڤەر قسەیان کرد. زومروت رایگەیاند، کە گەلی کورد لە هەموو شوێنێک بەرخۆدان دەکات و وتی: " گەریلا لە زاپ بەرخۆدان دەکات، ڕێبەر ئاپۆ بەرخۆدان دەکات، ئێمە سڵاو لە بەرخۆدانی دوسلدۆرف دەکەین."

'گەلی کورد هاوکاریکردنی دوژمن قبوڵ ناکات'

ئەنگین سەڤەر ئەوەشی خستەڕوو، کە ئەمڕۆ گەورەترین وەڵام بۆ دەوڵەتی تورکیای داگیرکەر لە دوسلدۆرف بووە. سەڤەر ڕایگەیاند، کە ئەڵمانیا چەکی کیمیایی دەداتە دەوڵەتی تورک و وتی: "گەلی کورد هاوکاری ئێوە قبوڵ ناکات. ئیرادەی گەلی کورد رێبەر ئاپۆ، زاپ، گەریلایە."

پاشان نووسەر و دکتۆر میشێل ویلک قسەی کرد و وتی: "سەدان منداڵ و هاوڵاتی مەدەنی لە هێرشەکانی دەوڵەتی تورک کوژران. لەگەڵ هەڕەشەی نوێی داگیرکاریدا دەیەوێت ناوچە داگیرکراوەکان فراوان بکات ئەمە تیرۆری رژێمی ئەردۆغانە."

'ئێمە لەگەڵ هاوڕێ کوردەکانمان دەبین'

سیمۆن دوبینز، نوێنەری یەکێتی بەریتانیا کە بەشداری ڕێپێوانەکەی کرد وتی: ئێمە لە بەریتانیا تێدەکۆشین. لە ساڵانی ١٩٩٠کاندا، ئێمە لەگەڵ هەڤاڵانمان لە ئەفریقای باشوور بەرگریمان کرد. ئێمەش لەگەڵ هەڤاڵانی کوردمان دەبین بۆ "ئازادی عەبدوڵا ئۆجالان."

"پشتیوانی لە هێرشەکانی دەوڵەتی تورک مەکەن"

هاوسەرۆکی کەجەکە یوکسەل کۆچیش، وتیشی: "گەلی کورد ئەمڕۆ هەزاران سڵاوی بۆ گەریلاکان نارد. ئەمڕۆ گەلی کورد قسەی خۆی بۆ ناتۆ و ئەوروپا کرد. گەلی کورد بانگی بارزانی کرد و وتیان: "کۆتایی بە خیانەت بهێنە. چیتر پشتگیری هێرشەکانی دەوڵەتی تورک نەکەن."

ئایتەن کاپڵان وتەبێژی یەژەپە - ئە ئەوەی خستەڕوو، کە ئەوان وەک گەلی کورد ژیانێکی یەکسانیان دەوێت و وتیشی: ئێمە دەزانین کێ ئەو چەکانەی داوە بە تورک. ناتوانیت بە جینۆساید کۆتایی بە گەلی کورد بهێنیت. ناسنامەی ئێمە لە ئەڵمانیا قەدەغەیە. چالاکیەکانمان قەدەغەیە. ئێدی بەسە! ئێمە دەمانەوێت لە کەشێکی دیموکراتیدا بژین. ئێمە ئازادی و دیموکراسیمان دەوێت، لەبەر ئەوە ئێمە لێرەین. پشتیوانی سیاسەتی هێرشبەرانەی تورکیا مەکەن."

"ئامانج هەموو دەستکەوتەکانی کوردە"

بەناوی پارتی ئیسلامی کوردستان و لایەنەکانی باکوور حیکمەت سەربلند قسەیکرد و سڵاوی لە هەپەگە کرد و وتی: دەمانەوێت هەڵوێستی نەتەوەیی لە دژی دەوڵەتی داگیرکەر نیشان بدەین. دەوڵەتی تورک لەسەر لەناوبردنی کوردان بنیاتنراوە. بوونی کورد بە هەڕەشە بۆ سەر خۆی دەزانێت. کورد یەکبگرن و یەکێتی نەتەوەیی بەهێز بکەن و هیچ هێزێک لەڕۆژهەڵاتی ناوەڕاستدا ناتوانێت لەدژی کورد بێت. ئامانجی دەوڵەتی تورک تەنها بەشێکی کورد نییە. هەموو دەستکەوتەکانی کوردە. ئەگەر گەریلا بشکێت،  ماڵی کورد وێنران دەبێت."
"ئێمە مافەکانمان دەوێت"

هەروەها تاهیر کەمالزادە، سەرۆکی پێشووی کەنەکە قسەی کرد و وتی: "کوردستان وڵاتی کوردە. نە عەرەب و نە عەجەم و نە تورکەکانە. ئێمە وڵاتەکەمانمان دەوێت، کە مافی ئێمەیە. سڵاو لە گەریلاکان دەکەم، پیرۆزبایی لە قارەمانی گەلی کورد دەکەم.  هەزاران زیلان لە گۆڕەپانەکاندان. ئەگەر کورد ئازاد نەبێت کەس ئازاد نابێت. پەکەکە ئازاد نەبێت، باشوور ئازاد نابێت. بژی سەرۆک ئاپۆ."

مزگین چیفتچی، سیاسەتمەداری زە دی لینکیش قسەی کرد و وتی: " بانگ لە حکومەتی ئەڵمانیا دەکەم. لە ڕۆژئاوا و باشوور و باکور بە چەکی کیمیایی هێرش دەکرێتە سەر کورد، بەڵام هیچ پشتیوانییەک بۆ کورد نییە. کێ چەک و بۆمب بە تورک دەدات؟ کێ لە کۆنگرەی ئەستەنبوڵ کشایەوە، کێ باشووری بۆردومان دەکات؟ ڕژێمی تیرۆریستی ئەردۆغان دەیکات."

گردبونەوەکە بە سرودی چەرخی شۆڕش و هەرنە پێش لەلایەن هونەرمەندانی تەڤچاند کۆتایی هات.

ف.ق