هەپەگە ناسنامەی دوو گەریلای ئاشکراکرد، کە لە مانگی ئابی ئەمساڵ لە بۆتان شەهید بوون و لەو بارەوە رایگەیاند، "هاوڕێیانمان سەرهەڵدان ماکو و دیرەن ئامەد بە رێپێوانەکەیان لە بۆتان بەهای نوێیان بۆ تێکۆشانی شۆڕشگێڕانە زیاد کرد".
ناوەندی راگەیاندن و چاپەمەنی هەپەگە لەبارەی ئەو دوو شەهیدەوە راگەیەندراوێکی بڵاوکردەوە کە بەم جۆرەیە:
'لە ٩ی ئاب/ئۆگوستی ٢٠٢٣ لە ئەنجامی هێرشی دوژمن بۆ سەر گۆڕەپانی ئەلکێی بۆتان جەنگاوەرانی پارتیمان هاوڕێیانی هێژامان سەرهەڵدان ماکو و دیرەن ئامەد شەهید بوون.
هاوڕێیانمان سەرهەڵدان و دیرەن لە بۆتان کە ناوەندی تێکۆشانی گەریلاییمانە، گەریلایەتیان کرد و لە قۆناغێکدا کە دوژمن هێرشەکانی چڕکردبووەوە، ئەرکی جەنگاوەری خۆیان بە سەرکەوتووانە بە جێگەیاند. هاوڕێیانمان سەرباری هەموو تەنگوچەڵەمە و دژوارییەکانیش پێداگر بوون لە سەر بەرخودان و ئاپۆیەتی و بە راستترین شێوە نوێنەرایەتی رۆحی سەردەمیان کرد. هاوڕێیانمان سەلماندیان کە جەنگاوەری ئاپۆیی هەرگیز نابەزێت. هاوڕێیانمان سەرهەڵدان و دیرەن لە تێکۆشانی شۆڕشگێڕیدا زۆر سەرکەوتنیان بەدەستهێنا و بە رێپێوانی خۆیان لە بۆتان بەهای نوێیان بە تێکۆشانی شۆڕشگێڕانە زیاد کرد. هاوڕێیانمان سەرهەڵدان و دیرەن بە پراتیکی خۆیان لە بۆتان گەیشتنە لوتکەی تێکۆشان و بە پێداگری و رژدبوونی گەورە لە دژی هەموو جۆرە هێرشەکانی دوژمن هەڵوێستی شکۆمەندانەی خۆیان پاراست و چوونە کاروانە شەهیدانەوە.
سەرەخۆشی لە هەموو گەلی نیشتمانپەروەر و وڵاتپارێزی کوردستان بە تایبەتی بنەماڵەی بەڕێز و بەنرخی هاوڕێیانمان سەرهەڵدان و دیرەن دەکەین. بە هەستکردن بە بەرپرسیارێتی ئەوەی ببینە شایەنی میراتی بەرخودانی هاوڕێیانمان سەرهەڵدان و دیرەن، بەڵێن دەدەین کە ئێمە سەردەکەوین.
زانیاری لەبارەی ناسنامەی هاوڕێ شەهیدەکانمان بەم جۆرەیە:
ناسناو: سەرهەڵدان ماکو
ناو و پاشناو: عەلی ئەحمەدپور
شوێنی لەدایکبوون: ماکو
ناوی دایک-باوک: جەمیلە- محێدین
کات و شوێنی شەهیدبوون: ٩ی ئابی ٢٠٢٣/ بۆتان
ناسناو: دیرەن ئامەد
ناو و پاشناو: مەزڵوم شەنەر
شوێنی لەدایکبوون: ئامەد
ناوی دایک-باوک: ئافتاب- ئورفان
کات و شوێنی شەهیدبوون: ٩ی ئابی ٢٠٢٣/ بۆتان
هـ . ب
