ئەوەی کە ھانیدام ئەم نووسینە بنووسم نا ئاشنا بوونی زۆربەی ئەو کەسانەیە کە ھێرشی بێ بنەما لە سەر پەیامەکەی کەجەکە و حدکا دەکەن . ئەو شێوە دژایەتیە بەشێکە لەو شەڕە تایبەتە کە نەیارانی کورد بە ڕێگای خودی کوردەوە بەرامبەر یەکڕیزی مالی کورد پێشی دەخەن. 

گەر لێکۆڵینەوەیەکی سەرەتایی بکرێت، دەبینرێت کە لە کوردستان ، کوردانی باوڕداری شێعە بەشێکی زۆر لە گەلی کورد پێکدێنن. یارسان و ئیزیدی لە چاو ئەوان کەمترن، بەلام ھەموو ئەم ناسنامانە پێکھاتەی کوردن نە کەمینەی کورد  

کەمینە بە بەشێک لە کۆمەڵگا دەلێن کە لە چوارچێوەی نەتەوەیەک خۆیان بە ھەموو شێوە جیا دەبینن . بەڵام ھەر ئەو کەمینە کە لە وەڵاتێک دەژین لە چوارچێوەی ئەو نیشتمانە،  قاڵبی پێکھاتەی  نیشتمانی دەگرن و ھەموو مافێکیان وەک پێکھاتەکان دەبێ ھەبێت . کورد وەک ڵەشی مڕۆڤێک ببینن . ھەر ناسنامەیەک بەشێکە لەو ڵەشە . پەراوێز خستنی یا لاواز بوونی کاریگەری لە سەر تەندرووستی ئەو ڵەشە دەبێت. لە سەر ئەو ئەساسە کوردانی شێعە، سونی، یارسان، علەوی، ئیزیدی، زەردەشتی،  یەھوودی و مەسێحی پێکھاتەی گەلی کوردن نە کەمینە . لە بەر ئەوەی ئەو کوردانە ، کوردستان بە نیشتمانی خۆیان و خۆشیان بە کورد پێناسە دەکەن . 

تەنانەت لە ناو کوردا پێکھاتەی ھۆرامی ھەیە ، کە ھەمووی مسڵمان نین . لە ناو کوردانی ھۆرامی (یارسان ، زەردەشتی و مسلمانی سونی و شێعە ) ھەیە . 

کێشەکە لەوێدایە کە کەسانێک ، کوردستان و کورد بوونیان تەنیا لە جۆگرافیایەکی بچووک لە کوردستان و باوڕیەکی دینی کە ئەویش ئیسڵامی سونیە پێناسە کردوە . لە دەرەوەی ئەوە ئیدی کوردەکانی دیکە لە خزمەت داگیرکاریدان . چەنێک کوردێکی مسڵمان بە تایبەت شێعە بە ھۆی شێعە بوونی ھێرش لە سەری بە ڕەوا دەبینڕێت لە بەر ئەوەی پێت وایە چوون ئیسلام مڵکی عەرەبە و شێعەیش مڵکی جمھووری ئیسڵامی  و پەیامێکیش بۆ یادەکەی لە لایان ناوەندێکەوە بڤەیە . یەکەم دەبێ لە کەسایەتی خۆت وەک کەسێکی ئازاد ئەندێش شەکت ھەبێت . دوھەم ئەوەندەیش بەرامبەر حزبەکانی کوردستان کە زۆربەیان فکر و پێناسەیان ڕۆژئاوائیە ، ھەڵوێستت ھەبێت . چون فکر و باوەڕی گرێ ئەدەی بە نەتەوەوە . ئەم شێوە،نزیکایەتیە لە فاشیزمەوە سەر چاوە دەگرێت. 

کاتێک تاکی کورد لە زھنیەتی پیاو سالاری و فاشیست بوون خۆی ڕزگار نەکات ، ئەنجامی تێکۆشانەکەی دەسەڵات دەبێت نە کۆمەڵگایەکی ئازاد و دیموکراتیک . گەر شێعە بوون گرێ بدرێتەوە بە ڕژیمی سێدارەی ئێران ، ھەڵەیەکی فکریە . ھەموو شێعەیەک ئێرانی نیە و ھەموو کوردیش مسڵمان نین.  لە سەر ئەو ئەساسە ھێرش کردن لە سەر پەیامەکانی کەجەکە و حدکا لە چوارچێوەی شەڕی تایبەت بەرامبەر یەکڕیزی مالی کورد دەبینین .

- زەردەشت ھۆرامی، ئەندامی دەستەی بەڕێوەبەری پلاتفۆرمی هۆرام

هـ . ب