رۆشنبیران، هونەرمەندان، سیاسەتمەداران و کەسایەتیە ئەکادیمیەکانی عەرەب بە راگەیەندراوێک پشتیوانی خۆیان بۆ کەمپینی 'ئازادی بۆ ئۆجالان و چارەسەری سیاسی بۆ پرسی کورد' دەربڕی.

لە راگەیەندراوەکەدا هاتووە: "ئێمە کۆمەڵێک رۆشنبیر، ئەکادیمیسیان و سیاسەتمەداری عەرەبین، پشتیوانی خۆمان دەردەبڕین و بەشداری لەو هەڵمەتە نێونەتەوەیییە دەکەین کە لە ١٠ی تشرینی یەکەمدا لە سەرتاسەری جیهان لەپێناو ئازادی جەستەیی روناکبیر و رێبەر عەبدوڵا ئۆجالان و هەروەها بۆ چارەسەری سیاسی پرسی کورد دەستیپێکراوە.

لە بەشێک لە راگەیەندراوەکەدا ئاماژە بە پیلانگێڕی نێونەتەوەیی ١٩٩٩ لە دژی رێبەری گەلی کورد عەبدوڵا ئۆجالان کراوە و لەو بارەوە هاتووە: "یەک لە هۆکارانەکانی ئەو پیلانگێڕییە نێونەتەوەییەی لە کەسایەتی بەڕێز ئۆجالاندا لە دژی گەلی کورد ئەنجامدرا، داواکارییە رەواکانی ئەو بوون بۆ ئازادی، دادپەروەری، پێکەوەژیانی گەلانی هەرێمەکە. سەرباری هەموو پەستان و ستەمێکیش خۆی نەدا بە دەست وڵاتانی رۆژئاوا و سەربەخۆیی فکری و رەفتاری خۆی پاراست. لە تێکۆشان و پرۆسەی ژینی هاوبەش و خوشک و برایانەی گەلانی هەڕێمەکەدا رۆڵی کاریگەری گێڕا و لە دژی دەستوەردانەکانی دەرەوە، بەرەی ناوخۆیی بەهێزکرد.

هەر لە درێژەی راگەیەندراوەکەدا ئەوە بەبیرهێنراوەتەوە کە ماوەی ٢٥ ساڵە گۆشەگیرییەکی دژوار بەسەر رێبەری گەلی کورد عەبدوڵا ئۆجالاندا سەپێندراوە و نزیکەی سێ ساڵیشە بەهیچ جۆرێک زانیاری لەبارەیەوە بەدەستناهێنرێت و رێگە بە بنەماڵە و پارێزەرانی نادرێت چاویان پێی بکەوێت.

ئەو رۆشنبیر و کەسایەتیە عەرەبانە جەختیان لەوەشکردووەتەوە، کاربەدەستانی تورک و ئەوانەی پیلانگێڕیی نێونەتەوەییان جێبەجێ کردووە، ئەگەر خوازیاری چەسپاندنی ئاشتین، پێویستە دەرگاکانی ئیمراڵی بکەنەوە، چونکە کلیلی چارەسەری، ئاشتی و ئایندە لەلای عەبدوڵا ئۆجالانە.

لەسەر ئەو بنەمایە ئەو رۆشنبیر و کەسایەتیە ئەکادیمیە عەرەبانە پشتیوانی و بەشداری خۆیان لە هەڵمەتی نێونەتەوەیی بە ئامانجی دەستەبەرکردنی ئازادی جەستەیی رێبەری گەلی کورد عەبدوڵا ئۆجالان و چارەسەری ئاشتیانە و دیموکرتیکی پرسی کورد دەربڕیوە، دوپاتیان کردووەتەوە کە بە توندی گۆشەگیری لەسەر عەبدوڵا ئۆجالان و شەری هەمە لایەنە و بەرفراوان لە دژی گەلی کورد شەرمەزار دەکەن.

واژۆکاران:

عەلی احمد بەدرخان، سینەماکار / میسر

ئەندامی پەرلەمانی میسر عاتیف مەگاوری

باڵیۆز شەریف ساهین، باڵیۆزی پێشووی میسر لە لوبنان و عێراق

عەلی سەید ئیبراهیم، ​​پسپۆڕی نەتەوە یەکگرتووەکان بۆ داماڵینی چەک (DDR) و/سودان

د.محەمەد ڕفعەت ئیمام پرۆفیسۆری مێژووی مۆدێرن و ڕاگری پێشووی فاکەڵتی ئاداب/میسر

دکتۆر تەها عەلی احمد، نوسەر و لێکۆڵەری سیاسی / میسر

ئیلهامی ئەلمیلێجی، ڕۆژنامەنووس-نووسەر/میسر

ڕایدە حسێن عەبدوڵڵا ئەلدەبهانی، باڵیۆزی ئاشتی / یەمەن

وەلید ئەلرەمالی، ڕۆژنامەنووس/نووسەر/میسر

یوسف واهیب، نووسەر و ڕۆژنامەنووس / میسر

د. سەمیر فازل، مامۆستای زانکۆ / میسر

عوسمان باراکە، شرۆڤەکاری سیاسی / لیبیا

شەریف عەبدولحەمید، بەرپرسی ناوەندی کەنداو بۆ لێکۆڵینەوەکانی ئێران/میسری

عەبدۆ مەغریبی، نووسەر و ڕۆژنامەنووسی میسری / میسر

شوکری سیخانی سەرۆکی بزووتنەوەی چاکسازی و ئەندامی ئەنجومەنی سەرۆکایەتی MSD

د. عەلی سێبێت، توێژەر و ئەکادیمی / میسر

د. فەرناز عەتیە، پرۆفیسۆری زانستی سیاسی / میسر

سەید مستەفا، ڕۆژنامەنووس و میدیاکار / میسر

محەمەد فەتحی شەریف، بەرپرسی سەنتەری توێژینەوەی عەرەبی / میسر

موحسین عەودەڵا، نووسەر و ڕۆژنامەنووس / میسر

محەمەد حەسەن عامێر، ڕۆژنامەنووس و شرۆڤەکاری سیاسی / میسر

د. مەحمود زەید، مامۆستای زانکۆ / میسر

د. ئەحمەد ڕەجەب، پارێزەر و ئەندامی سەندیکای پارێزەرانی عەرەبی/ میسری

فیراس یونس، سیاسەتمەدار و نووسەر/سوریا

هانی ئەلسیمۆڵ، توێژەری کاروباری ناوخۆیی و نێونەتەوەیی / میسر

ڕامی زۆهدی، سیاسەتمەداری سەربەخۆ / میسر

عادل فەخرانی، ڕۆژنامەنووس / میسر

عەلا عەبدولفەتاح سەید، خاوەنی دەزگای چاپ و بڵاوکردنەوە/میسر