کۆچبەرانی کانتۆنی عەفرین و شەهبا: کاتی ڕزگارکردنی عەفرین نزیکە
لە کانتۆنی ڕەقە و تەبقە ٧ هەمین ساڵیادی هێرشکردنە سەر عەفرین شەرمەزارکرا و سڵاو لە بەرخۆدان کرا.
کۆچبەرانی کانتۆنی عەفرین و شەهبا لە تەبقە و دانیشتووانی کانتۆنی تەبقە بەبۆنەی ٧ هەمین ساڵیادی هێرشەکانی سەر عەفرین ڕێپێوانێکیان ئەنجامدا.
ڕێپێوانەکە لەبەردەم ئەنجوومەنی بنەماڵەی شەهیدانی تەبقە بە هەڵگرتنی ئاڵای قەسەدە و یەپەژە و پانکارتی "کاتی ڕزگارکردنی عەفرین نزیکە" دەستی پێ کرد.
لە گۆڕەپانی شاری وەرزش ڕێپێوان گۆڕا بۆ گردبوونەوە. ئەندامی کۆردیناسیۆنی کۆنگرەی ستاری کانتۆنی عەفرین و شەهبا، فەریدە ئیبۆ گوتی: "٧ ساڵە بەرامبەر تاوانەکانی دەوڵەتی داگیرکەری تورک بەرخۆدان دەکەین. هێرشەکانی دەوڵەتی داگیرکەری تورک پێداگریمان بۆ ڕزگارکردن و گەڕانەوە بۆ عەفرین زیاتر دەکات".
هاوسەرۆکی ئەنجوومەنی بەڕێوەبردنی کانتۆنی تەبقە ئەحمەد ئەل عومەر سڵاوی لە بەرخۆدان و فیداکاری خەڵکی عەفرین کرد.
ڕەقە
هەر بەو بۆنەیەوە کۆچبەرانی کانتۆنی عەفرین و شەهبا و خەڵکی کانتۆنی ڕەقە ڕاگەیاندراوێکیان خوێندەوە.
لە ڕاگەیاندراوەکەدا جەختکرایەوە، تاوانەکانی دەوڵەتی داگیرکەری تورک و چەتەکانی لە عەفرین بەردەوامە، دووپاتکرایەوە کۆچبەرانی عەفرین بەرخۆدان و ڕێبازی نەتەوەی دیموکراتیکیان هەڵبژاردووە.
بانگەواز لە هێزە نێونەتەوەییەکان و ڕێکخراوە یاساییەکان کرا بە ئەرکی خۆیان هەستن بۆ کۆتاییهێنان بە داگیرکاری و گەڕانەوەی کۆچبەران.
