لە شارەکانی هەرێمی باکوور و ڕۆژهەڵاتی سوریا ٤٦ هەمین ساڵیادی دامەزراندنی پارتی کرێکارانی کوردستان (پەکەکە) بەجۆشێکی پیرۆزکرا.

حەلەب

مەجلیسی بنەماڵەی شەهیدان و پەیەدە لە هۆڵی عەفرین لە گەڕەکی شێخ مەقسوود ئاهەنگێکیان ئەنجامدا، نوێنەری پارت و ڕێکخراوەکان و دانیشتووان و ڕیش‌سپیانی گەڕەکەکانی شێخ مەقسوود و ئەشرەفیە بەشداربوون.

لە ئاهەنگەکەد بەڕێوەبەری مەجلیسی گشتی گەڕەکەکانی شێخ مەقسوود و ئەشرەفیە، ئاڤاشین حەلەب ساڵیادی دامەزراندنی پەکەکەی لە گەلی کورد و دۆستەکانیان و ڕێبەر ئاپۆ پیرۆز کرد.

ئاڤاشین تیشکی خستەسەر بەرخۆدانی مێژوویی گەریلا گوتی: " ئەم بەرخۆدانە چارەنووسی ڕۆژهەڵاتی ناوین و هەموو جیهان دیاری دەکات. گەریلا بۆ بوونی گەلی کورد شەڕ دەکەن. لەسایەی ئەوان گەیشتوینەتە ئەمڕۆ. تا گەیشتن بە سەرکەوتن و ئازادی، شوێنکەوتەی گەریلا و ڕێبەر ئاپۆ دەبین".

ئاهەنگەکە بە گۆرانی و هەڵپەڕکێ کۆتایی هات.

دێرک

لە شاری دێرک لە گۆڕەپانی ناوەندی گەنجانی شۆڕشگێڕی شەهید باوەڕ ئاهەنگێک ڕێکخرا.

ئەندامی پەیەدە ئەحمەد کالی ڕایگەیاند دامەزراندنی پەکەکە، دامەزراندنی ژیانی ئازادی گەلانە، ئەم ڕۆژە پێکەوەژیان و خوشک و برایەتیی گەلان نیشان دەدات.

ئاهەنگەکە بە گۆرانی و هەڵپەڕکێ کۆتایی هات.

گەرکی لەگی

هەروەها لە ڕمێلان ئاهەنگێک ئەنجامدرا.

 ئەندامی پەیەدە ئایهان موراد گوتی: "ئەگەر پەکەکە نەبوایە ئەمڕۆ ئێمە لەناوچووبووین. ئەم پارتە ئێمەی فێری تێکۆشان و بەرخۆدان بۆ ئازادی کرد".

ئاهەنگەکە بە گۆرانی و هەڵپەڕکێ کۆتایی هات.

عامودا

هەروەها لە عامودا ئاهەنگێک ئەنجامدرا. ئەندامی پەیەدە سەعید چۆلی دامەزراندنی پەکەکەی پیرۆز کرد و دەربارەی قۆناغی دامەزراندنی پەکەکە و قۆناغەکانی بەرخۆدان دوا.

نوێنەری دەستەی بنەماڵەی شەهیدانی شاری عامودا، جەواهیر عوسمان بەڵێنی دا بە درێژەدا بە بەرخۆدان لەسەر ڕێچکەی شەهیدان.

ئاهەنگەکە بە گۆرانی و مۆسیقا و هەڵپەڕکێ کۆتایی هات.