بە سەدان لە دانیشتوانی کانتۆنی فرات تەرمی شەڕڤانانی یەکینەکانی پاراستنی ژن (یەپەژە) بەفرین چەم (ئارژین عەلی)، ئاهین دلگەش (شەهناز حەمۆ)، شەڕڤانی کۆماندۆ فیراس کۆبانێ (محمەد عەلی محی)، حەقی (مەحمود عەبدۆ) و دلۆڤان گرک (فەرهاد عەبدۆ) کە لە کاتی جیاوازدا لە شەهبا- تل ڕفعەت و شیخ مەقسود شەهید بوون، لە گۆڕستانی شەهید دیجلە بە مەراسیمێکی جەماوەری سپاردەی خاک کران.

مەراسیمەکە بە خولەکێک ڕێزگرتن بۆ شەهیدان دەستیپێکرد، دواتر ئەندامی ئەنجومەنی سەربازی کۆبانێ ڕووکەن تەمۆ قسەیکرد و دوای سەرساغی لە بنەماڵەی شەهیدان، ئاماژەی بەوەدا شەڕڤانیان لەمڕۆدا لە دژی هێرشەکانی دەوڵەتی تورک و چەتەکانی لە بەرخۆدانێکی مێژوویدان و هەموو هێرشەکان تێکدەشکێنن.

'شەهیدان سەرچاوەی هێز و ئیرادەن'

دواتر ئەندامی پارتی یەکێتی دیموکراتیکی کانتۆنی فرات بەکر حاجی عیسا یادی شەهیدانی ڕزگاری کردەوە و دیاریکرد کە هێزییان لە شەهیدانەوە سەرچاوە دەگرێت و ئەمەی وت: "دەبێت خاوەنداری لە شەهیدانمان بکەین. چونکە شەهیدان سەرچاوەی هێز و ئیرادەن و بەوەوە سەردەکەوین."

دواتر بەڵگەنامەی شەهیدان خوێندرانەوە و ڕادەستی بنەماڵەی شەهیدان کران.

لە کۆتاییدا تەرمی شەهیدان بە درووشمی 'شەهید نامرێ''ەوە سپاردەی خاک کران.