سەدان کەس لە دانیشتوانی کانتۆنی فرات، ڕێکخرا و دەزگاکانی بەڕێوەبەری خۆسەری و بنەماڵەی شەهیدان بۆ بەشداریکردن لە بە خاکسپرادنی تەرمی عەگید کۆبانێ (مستەفا محمەد عەلی) کە لە ١٤ی گوڵانی ٢٠٢٤دا لە سرن شەهیدبوو گردبوونەوە و تەرمی شەهیدییان لە گۆڕستانی شەهید دجلە بە مەراسیمێکی شکۆدار بە خاکسپارد. هەر لە مەراسیمەکەدا شەهیدان فیراز ئارتێش، دەنیز ئاراس کۆبانێ و زین زاگرۆس یادکرانەوە.

مەراسیمەکە بە خولەکێک بۆ شەهیدان دەستیپێکرد و دواتر وتەبێژی کۆنگرە ستاری شارۆچکەی شێران، لفریە مەحمود دوای دەربڕینی سەرساغی بۆ بنەماڵەی شەهید قسەیکرد و وتی: "وێڕای هەموو باردۆخێکی سەخت گەریلا بەردەوامی بە تێکۆشان دەدات و گورزی گران لە داگیرکەران دەخات. ئەمڕۆ ساڵوەگەڕی کۆمەڵکوژی هەولێرە کە کۆمەڵکوژی بە دوای کۆمەڵکوژییدا بەسەر گەلی کورددا دێت. لە دژی هەموو ئەمانەدا، تاکە ڕێگە ڕێگای تێکۆشان و سەرکەووتنە."

هەر لە مەراسیمەکەدا ئەندامی بەڕێوەبەری ئەنجوومەنی سەربازی کۆبانێ پۆلات ئەحمەد قسەیکرد و ئەوەی دەسنیشانکرد بە هێزی شەڕڤانان کۆتایی بە داگیرکەران دەهێنن.

دواتر دارین دەنیز لەسەر ناوی بنەماڵەی شەهید دەنیز ئاراس کۆبانێ قسەیکرد و سەرساغی بۆ بنەماڵەی شەهیدان خواست و وتی: "خەونی شەهید دەنیز ئاراس تێکۆشان بوو لە چیا ئازادەکانی کوردستاندا. بۆیە تێکۆشانێکی مەزنی لە بەرامبەر دوژمندا بەڕێوەبرد و لە هەرێمی خواکوڕک شەهیدبوو."

دوای تەواوبوونی قسەکان ناوی شەهید لە لایەن ئەنجوومەنی بنەماڵەی شەهیدان خوێندرایەوە و  بە هەڵهەڵە لێندان و وتنەوەی دروشمی "شەهید نامرێ" تەرمی شەهید عەگید کۆبانێ بە خاکسپرێردرا.

دوای بە خاکسپرادنی تەرمی شەهید، جەماوەرەکە ڕۆشتنە خێمەی سەرساغی شەهید عەگید کۆبانێ.