بۆ شەڕڤانی هێزەکانی کۆماندۆی قەسەدە، ئەحمەد قامیشلۆ (موستەفا ئەحمەد مەتراس) کە لە ١٤ی کانوونی دووەم لە بەنداوی تشریندا لە بەرخۆدان لە بەرانبەر هێرشە داگیرکارییەکانی دەوڵەتی تورک و چەتەکانییدا شەهید بوو، مەڕاسیمێکی غیابی ئەنجام درا.

بە سەدان دانیشتووی تربەسپی، ئەندامانی هێزەکانی ئیدارەی خۆبەڕێوەبەری و پارتە سیاسییەکان بە مەبەستی بەشداریکردن لە مەڕاسییەمەکە بەرەو گوندی حەلوای شاری تربەسپی بە ڕێکەوتن.

لە مەڕاسیمەکەدا بەڕێوەبەری ئەنجوومەنی بنەماڵەی شەهیدانی تربەسپی عەتیە حوسێن سەرەخۆشی لە بنەماڵەی شەهیدان کرد و گوتی: "ئەنجوومەنی بنەماڵەی شەهیدان کە کورد، عەرەب و سوریانی تێیدا جێ دەگرن، نمونەی خوشک و برایەتی گەلانە. ئەم نمونە لە سایەیی ڕێبەر عەبدوڵا ئۆجالانەوەیە خاوەن فکری نەتەوەیی دیموکراتیکە."

دواتر لە مەراسیمەکەدا ئەندامی ئەنجوومەنی پەیوەندییە سەربازییەکان دڵبرین فەرحۆ قسەی کرد و ئاماژەی بەوەدا قەسەدە لە دەستپێکی دامەزراندنییەوە گەل و خاکی سووریا دەپارێزێت و بۆ بەرقەرارکردنی ئارامی و لە ناوبردنی چەتەکان و داگیرکەران بە هەزاران شەهیدی داوە.

لە بەردەوامی مەڕاسیمەکەدا ئەندامی ئەنجوومەنی کۆنگرەی ستاری شاری تربەسپی مونتەها خەلیل سەرنجی خستەسەر تێکۆشان و یەکگرتنی پێکهاتەکانی باکوور و ڕۆژهەڵاتی سووریا و گوتی: "لە سایەیی ئەو فیداکارییەی دەدرێت، ئیدارەیەکی خۆبەڕێوەبەری لە تەواوی پێکهاتەکان بە دی هات. ژنانیش پێشەنگایەتی کۆمەڵگە دەکەن."

هاوسەرۆکی ئەنجوومەنی گوندی حەلوا، عاید خەلیل ئاماژەی بەوەدا لە سایەیی شەهیدان و یەکێتی پێکهاتەکانی گەلانی باکوور و ڕۆژهەڵاتی سووریا لە ناو ئارامیدان و گوتی: "بەڵێن دەدەین بە شەهیدان کە دەستکەوتەکانیان بپارێزین و پشتگیری بە هێزە سەربازییەکانمان بدەین."

لە دوای قسەکان ناسنامەی شەهید خوێندرایەوە و ڕادەستی بنەماڵەی هێژای شەهید کرا.