ڕێپێوانەکە بە پێشەنگایەتی ئیدارەی قوتابخانەکان ئەنجامدرا و لەبەردەم بینای کۆمەڵەی پەروەردە لە ناوەندی شارەکە دەستی پێ کرد.

سەدان خوێندکار و مامۆستا بەشداربوون و پانکارتی "هەموومان قەسەدەین"یان هەڵگرت.

چالاکوانان بە بەرزکردنەوەی درووشم تا بەردەم بینای شارەوانی ڕێپێوانیان کرد و گردبوونەوەیان ئەنجامدا.

پاش خولەکێک ڕێزگرتن لە شەهیدان، لە بەڕێوەبەرانی قوتابخانەکان ئاڵا ئیبراهیم ڕاگەیاندراوی خوێندەوە و هێرشەکانی بۆ سەر خەڵکی سڤیل و دامەزراوە مەدەنیەکان شەرمەزار کرد.

ئاڵا ڕایگەیاند دەوڵەتی تورک لەڕێگەی ئەم هێرشانەوە دەیەوێت ئایندەی هەرێمەکە تێک بدات و پێویستە لێپرسینەوە لە دەوڵەتی داگیرکەری تورک بکرێت.

گردبوونەوەکە بە درووشمی پشتگیری لە قەسەدە کۆتایی هات.