ناوەندی ڕاگەیاندنی هێزەکانی سووریای دیموکراتیک (قەسەدە) دەربارەی هێرشەکانی دەوڵەتی تورکی داگیرکەر لە دژی ئێشکگران لە بەنداوی تشرین لە ڕاگەیاندراوێکدا گوتی: "دوو ڕۆژە بەفرۆکەی بێفرۆکەوان و فرۆکەی جەنگی دەوڵەتی تورکی داگیرکەر ئێشکگران لە بەنداوی تشرینی باشووری مەنبج کە بۆ ڕاوەستاندنی هێرشەکانی دەوڵەتی تورک و چەتەکانی لە بەنداوەکەن بە ئامانج دەگرێت. تاوەکو ئێستا ٦ مەدەنی شەهید بوون و گەلێکیش بریندار بوون.

ئەم هێرشە دڕندانە شەرمەزار دەکەین. بەرپرسیاری زیانەکان کە بەهۆی هێرشەکانەوە دروست دەبێت دەوڵەتی تورکی داگیرکەر و سەرۆکەکەیان ئەردۆگانە. هەروەها بەرپرسیاری تەواوی تاوانەکانی جەنگە لە دژی هاوڵاتیان لە هەرێمی بەنداوەکە و هەرێمەکانی دیکە.

بانگەواز لە کۆمەڵگەی نێونەتەوەیی دەکەین کە لە بەرانبەر تاوانەکانی شەڕی تورکیا کە دەمێکە لە دژی گەل ئەنجامی دەدات و دواین جار کۆمەڵکووژی لە بەنداوی تشرین ئەنجامدا، بێدەنگی بشکێنێت".