ناوەندنی ڕاگەیاندنی هێزەکانی سووریای دیموکراتیک (قەسەدە) دەربارەی ئامارەکانی هێرشی چەتەکانی دەوڵەتی تورک لە ٢٣ی کانوونی دووەم و بەرپەرچدانەوەی شەڕڤانەکانیان ڕاگەیاندراوێکی بڵاوکردەوە.

لە ڕاگەیاندراوەکەدا ئەم زانیارییانە بڵاوکراوەتەوە: "شەڕڤانەکانمان لە چوارچێوەی بەرپەرچدانەوەدا، دوێنێ چالاکیان ئەنجامدا. چالاکی لە گوندی هوشریەی منبج و گوندەوارانی شاری دێر حافر لە دژی بارەگاکانی دەوڵەتی تورکی داگیرکەر ئەنجامدرا. لە ئەنجامی چالاکییەکاندا ٩ چەتە کوژران و ١١ چەتەی دیکەش بریندار بوو.

هێزەکانمان لە گوندی عەتشانە لە باشووری منبج چالاکی لە دژی کۆبوونەوە و ئۆتۆمبێلی چەتەکان ئەنجامدا. ژمارەی کوژرا و برینداری چەتەکان نەزانراوە.

ئەم چالاکییەکە لە چوارچێوەی مافی ڕەوای بەرپەچدانەوە لە دژی هێرشە زەمینی و ئاسمانییەکانی دەوڵەتی تورکی داگیرکەر و چەتەکانیدا لە هەرێمەکانی باکوور و ڕۆژهەڵاتی سووریادا ئەنجامدراوە".