لە ڕاگەیاندراوەکەدا ئاماژە بە شوێنی شەهید بوونی هەردوو شەڕڤان کراوە و دەڵێت: "هاوڕێمان عەقرەب ڕەش (مەحمود فەیسەڵ عەلی) لە کاتی شەڕێکی قورسی نێوان هێزەکانمان و هێزەکانی داگیرکەردا لە هێرشێکی ئاسمانی دەوڵەتی تورکی داگیرکەردا لە شاری منبج شەهید بوو. هاوڕێمان عەگید دەرباسییە (سایل عومەر محمەد) لە گوندەکانی منبج لە پێکدادانی نێوان هێزەکانمان و هێزەکانی دەوڵەتی تورکی داگیرکەر و چەتەکانییدا شەهید بوو."

لە بەردەوامی ڕاگەیاندراوەکەدا سەرنج خراوەتە سەر پێگە و کاریگەری هەردوو شەهید لە بەرخۆدانەکانی دژ بە داگیرکەران و چەتەکانی داعشدا.

لە ڕاگەیاندراوەکەدا سەرساغی لە بنەماڵەی هەردوو شەهید کراوە و هاتووە: "بەڵێنمان بۆ تۆڵەکردنەوەی شەهیدان دووپاتەکەینەوە. لە تێکۆشانمان بەردەوام دەبین تا بونیادنانی وڵاتێکی ئارام و بێ تیرۆر."

لە ڕاگەیاندراوەکەدا بەم شێوەیە ناسنامەی هەردوو شەهید خراوەتەڕوو:

ناسناو: عەقرەب ڕەش

ناو و پاشناو: مەحمود عەلی

ناوی دایک و باوک: هندا- فەیسەڵ

شوێن و کاتی لە دایکبوون: حەسەکە- ١٩٩٩

شوێن و کاتی شەهید بوون: منبج/ ٨ی کانوونی یەکەمی ٢٠٢٤.

ناسناو:عەقید دەرباسییە

ناو و پاشناو: سایل محمەد

ناوی دایک و باوک: نەجاح- عومەر

شوێن و کاتی لە دایکبوون: حەسەکە- ٢٠٠٣.

شوێن و کاتی شەهید بوون: گوندەکانی حەلەب/ ٨ی کانوونی یەکەمی ٢٠٢٤.