دانیشتوانی شاری تەل حەمیس، ئەندامانی ڕێکخراوە مەدەنییەکان، پارتەکان، هێزە سەربازییەکان و ڕیش سپیانی شار لە گۆڕستانی شەهیدان کۆبوونەوە و تەرمی شەڕڤانی هێزەکانی سوریای دیموکراتیک (قەسەدە) غەسان ئەلعەلاوی کە ڕۆژی ١٠ ی تشرینی دووم شەهید بوو، بە خاک سپێردرا.

یەکێک لە فارماندەکانی فەوجی تربەسپی سەر بە مەجلسی سەربازی قامشلۆ، محەمەد زێدان لە مەراسیمەکەدا قسەی کرد و سەرە خۆشی لە ماڵباتی شەهید کرد و شەهیدانی هەرێمەکەی بە بیر هێنایەوە.

ئەندامی مەجلسی ماڵباتی شەهیدانی تەل حەمیس حەمزە ئەلخەلیل سڵاوی لە گیانفیدایی شەهیدان لە پێناو پاراستنی وڵاتدا کرد و گوتی: "لە سایەی فیداکاریی شەهیدان، پلانگێڕی دژی تەون و چنراوی نیشتیمانی هەرێمەکان تێکشکێنران."

هاوسەرۆکی دەستەی ئایینی تەل حەمیس موعتەز ئەلعەنتەر گوتی: "پێکهاتەکانی هەرێمەکان لە سایەی چەتری نەتەوەی دیموکراتیکی ڕێبەر عەبدوڵا ئۆجەلان یەکیان گرتووە. ئێمە بەڵێن دەدەین بە شوێن پێی شەهیدانی خۆماندا بڕۆین و ئەوان لە بیر ناکەین".

دواتر ناسنامەی شەهید خوێنرایەوە و ڕادەستی ماڵباتەکەی کرا.

لە کۆتاییدا دانیشتوانی هەرێمەکە تەرمی شەهیدیان لە ناو هەلهەلەی دایکاندا بە خاک سپارد.