تەرمی هێزەکانی ڕزگاری عەفرین ، محەممەد شێخۆ دادا ( دڵسۆز ڕاجۆ ) کە لە ٢٩ ی تەمموزدا شەهید بوو، لە گۆڕستانی شەهید زوزان ئامانوس لە گوندی فافین بەخاک سپێردرا . لە مەراسیمەکەدا سەدان ئاوارەی عەفرینی و دانیشتووی شارۆچکەی شەهبا لە کانتۆنی عەفرین بەشدارییان لە مەراسیمەکەدا کرد

لە مەراسیمەکەدا ئەحمەد موسا ئەندامی ئەنجوومەنی بنەماڵەی شەهیدانی عەفرین و کانتۆنی شەهبا سەرەخۆشی لە بنەماڵەی شەهید کرد و وتی: "ئێمە شەڕخواز نین و عاشقی ئازادی و مافەکانی خۆمانین. شەڕڤانان ڕۆڵەکانی ئێمەن. ئێمە بە هێزی خۆمانەوە دەژین، و بوونیشمان لەلایەن ئەوانەوە دەپارێزرێت. بە بەرخۆدان و تێکۆشانمان عەفرین ئازاد دەکەین و دەگەڕێینەوە سەر خاکەکەمان."

لە مەراسیمەکەدا دایکی دڵسۆز راجو، حەیات دادا، قسەی کرد و وتی: "سڵاو و ڕێزی خۆمان ئاراستەی ڕێبەرایەتیمان دەکەم. کوڕەکەم ئەو بەڵێنەی بە گەلەکەی دابوو جێبەجێ کرد. من شانازی پێوە دەکەم و بەڵێن دەدەین ڕێبازی ئەو بەرنادەین."

لەکۆتاییدا ناسنامەی شەهید خوێندرایەوە و پێشکەشی بنەماڵەکەی کرا و بە وتنەوەی دروشمی، شەهید نامرێ مەراسیمەکە کۆتایهات.