تەرمی شەڕڤانی هێزەکانی سوریای دیموکراتیک (قەسەدە) فەجر عەساف کە ٢٦ ی تەمموز لە دەیرەزۆر شەهید بوو، بە مەراسیمێک لە گۆڕستانی شەهید دژوار لە گوندی داودیە بەخاکسپێردرا. دانیشتووانی حەسەکە و گوندەکانی دەوروبەری بەشداری مەراسیمەکە بوون.

لەسەر ناوی مەجلیسی بنەماڵەی شەهیدان، موستەفا عوسمان گوتی: "شەهیدە قارەمانەکانمان ئەفسانەن، تەواوی هەرێمەکانی باکور و ڕۆژهەڵاتی سوریایان پاراست".

یەک لە فەرماندەکانی مەجلیسی سەربازی حەسەکە شۆڕش حەسەکە، گوتی: "هەتا ڕزگارکردنی تەواوی هەرێمە داگیرکراوەکان، لەسەر ڕێگەی شەهیدان تێدەکۆشین".

پاشان ناسنامەی شەهید خوێنرایەوە و ڕادەستی بنەماڵەکەی کرا.

تەرمی شەهید فەجر بە هەلهەلەی دایکان لە گۆڕستانی شەهید دژوار لە گوندی داودیە بەخاکسپێردرا