تەرمی شەڕڤانی هێزەکانی سووریای دیموکراتیک (قەسەدە) شەڕڤان ئۆجالان (ئەحمەد حەقی) کە لە ٢١ی ئادار لە شەدادی شەهید بوو، بە مەڕاسیمێکی جەماوەری لە حەلەب بە خاک سپێردرا. دانیشتووانی گەڕەکەکانی شێخ مەقسود و ئەشرەفیەش بەشداری مەڕاسیمەکە بوون.
هەروەها مەڕاسیمی غیابی بۆ شەڕڤانی هێزەکانی ئەرکی خۆپاراستن حیکمەت کراد و گەریلای هێزەکانی پاراستنی گەل (هەپەگە) شەڕڤان گەریلا ئەنجام درا. کاروانی دانیشتووان لە پێش نەخۆشخانەی شەهید خالد فەجری ڕۆژئاوای گەڕەکی شێخ مەقسود دەستی پێکرد و بەرەو گۆڕستانی شەهیدانی بەرخۆدانی گەڕەکەکانی شێخ مەقسود و ئەشرەفیەی لە هەرێمی شەقیف بە ڕێکەوتن.
لە گۆڕستان ئەندامی ئەنجوومەنی بنەماڵەی شەهیدان ئاریان حەلەب و  بە ناوی هێزەکانی ئاسایشی ناوخۆ فەرهاد کۆبانێ قسەیان کرد و بەڵێنی تۆڵەکردنەوەی شەهیدان، بەردەوامی تێکۆشان و شوێنکەوتنی ڕێگەی شەهیدانیان دا.
خوشکی شەهید حیکمەت کراد، شێرستان کراد قسەی کرد و گوتی: "براکەم لە بەرخۆدانی سەردەمدا شوێنەوارێکی بە جێهێشت لە بیرناکرێت. فیداکاری ئەو لە بیرەوەری خۆماندا و لە پەڕەکانی مێژوودا بە زیندووی دەهێڵینەوە."
دایکی شەهید شەڕڤان ئۆجالان، نەوال محەمەد ئاماژەی بەوەدا گەلی کورد لە سایەیی فیداکاری شەهیدانەوە ئەم دەستکەوتانەی بە دەستهێناوە.
باوکی شەهید شەرڤان گەریلا، موستەفا نەعمان گوتی: "کوڕەکەم بە پێداگری و باوەڕەوە بەشداری ڕیزەکانی گەریلا بوو، لە ماوەی ١٠ ساڵدا داستانی قارەمانێتی نوسییەوە."
پاشان گۆرانییەکی نەتەوەی لەسەر کوردستان کە بە دەنگی شەهید شەڕڤان گەریلا و پەیامێک بە دەنگی شەهید حیکمەت کراد پێشکەش کرا.
لە کۆتایی مەڕاسیمەکەدا ناسنامەی هەر سێ شەهید خوێندرایەوە و ڕادەستی بنەماڵەکانیان کرا، تەرمی شەهید شەڕڤان بە خاک سپێردرا.