تەڤگەری کۆمەڵگەی دیموکراتیک (تەڤ-دەم) بە ڕاگەیاندراوێک "کۆنگرەی دیالۆگی نیشتیمانی" لە شام ڕەتکردەوە. تەڤ-دەم ئەوەی بیرهێنایەوە کۆنگرەکە نوێنەرایەتی گەلانی سووریا ناکات و هەمان ئەقڵیەتی پشتگوێخستن و دوورخستنەوەی ڕژێمی پێشوو بەڕێوە دەبرێت.

تەڤ-دەم ئاماژەی بەوەدا بەشدارانی کۆنگرە بە شێوەیەکی یەک لایەن و  لە یەک گۆڕەپانەوە هەڵبژێردراون، ژن بەشداری کۆنگرەکە نەبووە و هەربۆیە بەڵێنی دامەزراندنی سووریایەکی هەمە ڕەنگ و دیموکراتیک بە بێ ئەنجام دەرچوو.

تەڤ-دەم ڕایگەیاند ئەو بڕیارانەی لە کۆنگرەکە دراوە بە پێی بەرژەوندی کەسانی بەشداربوو دراوە و نوێنەرایەتی ڕاستەقینەی گەلانی سووریا جێان نەگرتووە.

هەروەها تەڤ-دەم ئەوەشی بیرهێنایەوە لە دەستپێکی شۆڕشی سووریا لەسەر دامەزراندنی کۆمەڵگەی دیموکراتیک و ئازاد لە باکوور و ڕۆژهەڵاتی سووریا خەبات دەکات و گوتی: "ئیدارەی خۆبەڕێوەبەری دیموکراتیک هەموو پێکهاتە و کەلتوورەکانی هەرێمەکە تێیدا بەشداربوون و ژنان پێشەنگایەتیان دەکرد، دامەزرا".

تەڤ-دەم بانگەوازی سووریای نوێی لەسەر بنەمای سیستەمی ناناوەندی دیموکراتیک کرد، بۆ ئەوەی ژنان لە بڕیاردان ببن هاوکاری بنەڕەتی.

لە کۆتایی ڕاگەیاندراوەکە تەڤ-دەم سیاسەتی پشتگوێخستنی ڕەتکردەوە و ئاماژەی بەوەدا بەردەوامی تێکۆشان بۆ دامەزراندنی سووریایەکی دیموکراتیکی ناناوەندی بە پێی فیداکاری گەلی سووریا ئەنجام درا.