لە ٨ی کانوونی یەکەمەوە دەوڵەتی تورکی داگیرکەر و چەتەکانی بە شێوەیەکی سەخت هێرشی پردی قەرەقۆزاق و بەنداوی تشرین دەکەن. دوێنێ لە دژی مەدەنییەکان کە لە بەنداو چالاکی ئێشکگری دەگرن، هێرشی ڕاستەوخۆ کرا و کۆمەڵکووژی ئەنجامدرا. بە پێی دەستەی تەندروستیی ئیدارەی خۆبەڕێوەبەری دیموکراتیکی کانتۆنی فورات، ئەمڕۆ دەوڵەتی تورکی داگیرکەر و چەتەکانی ٢ جار مەدەنییان بە ئامانج گرت و لە ئەنجامدا ٥ هاوڵاتیی شەهید بوو، نزیکەی ٤٠ کەسیش بریندار بوو.

لە وێنەکاندا ئەو زیانانە دەردەکەوێت کە بەر ئەمبۆڵانسەکان کەوتووە. بە پێی یاسا نێونەتەوەیی، مرۆییەکان و ڕێکەوتننامەی جنێڤ ئەم هێرشە بە ئاشکرا پێشێل کردنی مافەکانی مرۆڤە و تاوانی جەنگە.