ئەنجومەنی بنەماڵەی شەهیدانی تربەسپی ڕێوڕەسمێکی بۆ یادکردنەوەی شەهید بەرخۆدان قامیشلۆ (ئەمیر ئەحمەد ئەلجاسم) بەڕێوەبرد، هاوکات لەیادەکەد پێشوازیی لە بەرخۆدانی گەریلاکانی ئازادیی کرا.
ئەنجومەنی بنەماڵەی شەهیدانی شاری تربەسپی بۆ یادکردنەوەی گەریلای شەهیدی هەپەگە بەرخۆدان قامیشلۆ (ئەمیر ئەحمەد ئەلجاسم) مەراسیمێکی سازکرد. سەدان کەس لە دانیشتووانی شارەکە و ئەندامانی ڕێکخراوەکانی کۆمەڵگەی مەدەنی و بنەماڵە و دۆستانی شەهید بەمەبەستی پرسەو یادکردنەوە سەردانی مەراسیمەکەیان کرد.
لە مەراسیمەکەدا، بەناوی ئەنجومەنی بنەماڵەی شەهیدانی تربەسپی، محەممەد زەکی ئیبراهیم سەرەخۆشی ئاراستەی بنەماڵەی شەهید کرد و ڕایگەیاند، ئەو دەستکەوتانەی کە ئەمڕۆ لە کوردستان بەدەست هێنراون، لە سایەی شەهیدە نەمرەکانمان وەک شەهید بەرخۆدان و سەدان هەڤاڵی بەدەست هاتوون و لە درێژەی قسەکانیدا سڵاوی لە بەرخۆدانی گەریلاکانی ئازادی کوردستان کرد کە ئەمڕۆ لە چیای ئازادەکاندا بەڕێوە دەچێت و تی، بڵێن دەدەین هەتا کۆتایی لەگەڵ شەڕڤانانمان دەبین."
هەروەها حیکمەت حەبیب بەناوی خۆبەڕێوەبەری دیموکراتیکەوە لە سەر کەسایەتی و پێگەی هەڤاڵ بەرخۆدان قسەیکرد و لەمیانەی قسەکانیدا سڵاوی لە بەرخۆدانی گەریلاکانی ئازادی کوردستان کرد کە لە بەرامبەر دەوڵەتی داگیرکەری تورک بەڕێوە دەچێت و وتی، ئەمڕۆ گەریلا هەبوونی هەموو پێکهاتەکان دەپارێزێت."
لە کۆتایی مەراسیمەکەدا بڕۆانامەی شەهید بەرخۆدان قامیشلۆ خوێندرایەوە و ڕادەستی بنەماڵەکەی کرا.
گەریلاى هەپەگە بەرخۆدان قامیشلۆ لە ١٧ی ئاداری ئەمساڵ لە هەرێمەکانی پاراستنی مێدیا شەهید بوو.
