کۆبانێ

بە هەزاران کەس لە دانیشتوانی کانتۆنی فرات، لە گۆڕەپانی شەهید عەگید شاری کۆبانێ، ١٢هەمین ساڵوەگەڕی شۆڕشی ١٩ی تەمووزی ڕۆژئاوایان پیرۆزکرد. دانیشتوان بە جل و بەرگی نەتەوەیی خۆیانەوە و بە بەرزکردنەوە پۆستەرەکانی ڕێبەری گەلی کورد عەبدوڵا ئۆجالان بەشداری ئاهەنگەکەیان کرد.

لە پیرۆزباییەکەدا هاوسەرۆکانی ئەنجومەنی بەڕێوەبەری کانتۆنی فرات مزگین خەلیل  و فەرحان عیسا قسەیانکرد و باسیان لە گرنگی شۆڕشی ڕۆژئاوا کرد و بەڵێنی بەردەوامیدان لەسەر پاراستنی دەستکەوتەکانی شۆڕشیان دا، هەروەها ساڵوەگەڕی شۆڕشیان لە شەهیدان پیرۆزکرد.

دواتر چەندین کەسایەتی و نوێنەرانی لایەنە سیاسەکانی دیکەی هەرێمەکە قسەیانکرد و پیرۆزبایی شۆڕشییان کرد.

حەلەب

بە سەدان لە دانیشتوانی  گەڕەکەکانی شێخ مەقسود و ئەشرەفییەی حەلەب ١٢هەمین ساڵوەگەڕی شۆڕشی ١٩ی تەمووزی ڕۆژئاوایان پیرۆزکرد. پیرۆزباییەکە لە گەڕەکی شیخ مەقسود بە دروشمی 'بە ڕۆحی ١٩٧ تەمووزەوە ئازادی جەستەیی ڕێبەر ئاپۆ دەستەبەربکەین و چارەسەری پرسەکانی کورد بکەین' ئەنجامدرا.

لە پیرۆزباییەکەدا ئەندامی کۆردیناسیۆنی کۆنگرە ستاری حەلەب فەهیمە حەمۆ و هاوسەرۆکی ئەنجومەنی گشتی شێخ مەقسود و ئەشرەفیە هێڤین سلێمان قسەیانکرد.

فەهیمە حەمۆ لە قسەکانیدا ئاماژەی بەوەدا شۆڕشی ١٩ی تەمووز خۆی سپاردووە بە پارادایمەکانی ڕێبەری گەلی کورد عەبدوڵا ئۆجالان.

هەرەوەها وتیشتی کاتی ئەوە هاتووە بیرۆکە کۆنەپەرستەکانی دەوڵەت-نەتەوە و سەرمایەداری کۆتایی پێبهێنرێت و ئەزموونەکانی شۆڕی ١٩ی تەمووز بە بنەما بگرین کە خۆی دەستپێرێت بە پاراستنی مافەکانی ژنان.

هەروەها لە ئاهەنگەکەدا هێڤین سلێمان قسەیکرد و باسی لە گرنگی شۆڕش و دەستکەوتەکانی شۆڕش کرد، وە ساڵوەگەڕی شۆڕشی لە هەموو شەهیدان پیرۆزکرد.

دواتر لە لایەن چەندین گروپی هونەری و فۆلکلۆرییەوە چالاکی پێشکەشکرا و ئاهەنگەکە کۆتایی هات.

قامیشلۆ

بە هەمان شێوە لە شاری قامیشلۆ  بە سازدانی ئاهەنگێکی گەورە و بە بەشدارییەکەی زۆری هاوڵاتییان بە جل و بەرگی نەتەوەیی خۆیانەوە و بە بەرزکردنەوە پۆستەرەکانی ڕێبەری گەلی کورد عەبدوڵا ئۆجالان، ١٢هەمین ساڵوەگەڕی شۆڕشی ١٩ی تەمووزی ڕۆژئاوا پیرۆزکرا.