هێزەکانی ئاسایشی ناوخۆی باکوور و ڕۆژهەڵاتی سوریا لەسەر ماڵپەڕی فەرمی ڕایگەیاند کە شانەیەکی چەتەکانی داعش هێرشیان کردە سەر بازگەیەکیان لە باشووری کانتۆنی جەزیرە.

لە ڕاگەیاندراوەکەدا گوتراوە، بەیانی دووشەممە (٢٠ ی کانوونی دووەم) شانەیەکی تیرۆریستی کە لە ٥ چەتە پێکدەهاتن هێرشیان کردە سەر بازگەیەک لەسەر ڕێگەی نێوان شارەکانی حەسەکە و شەدادی.

دووپاتکرایەوە، لە ئەنجامی وەڵامدانەوەی هێزەکانیان چەتەیەک بە ناوی ڕائید فەواز ئەل عەلی بریندار بووە و بەدیلگیراوە و لە نەخۆشخانە چارەسەرکراوە.

لە ڕاگەیاندراوەکەدا ئاماژە بەوە کراوە، چەتە بریندارەکە، بەهۆی برینەکەیەوە مردووە.