یەکێتی ڕاگەیاندنی ئازاد (یەرەئا) یادی ڕۆژنامەوان عەزیز کۆیلوئۆغلوی بەرزڕاگرت و گوتی: "مامۆستا و هاوڕێمان عەزیز کۆیلوئۆغلو بە خەباتە ڕۆژنامەوانییەکانی بووە قوتابخانەیەکی بنەڕەتی ڕاگەیاندی ئازاد لە هەرێمەکەدا."
یەکێتی ڕاگەیاندنی ئازاد (یەرەئا) بە خوێندنەوەی ڕاگەیاندراوێک لە کۆنگرەیەکی ڕۆژنامەوانییدا یادی ڕۆژنامەوان شەهید عەزیز کۆیلوئۆغلوی بەرز ڕاگرت.
ڕاگەیاندراوەکە لە لایەن هاوسەرۆکی یەرەئا دلیار جزیریەوە خوێندرایەوە و ئاماژەی بەوەکرد شەهید کۆیلوئۆغلۆ لە ساڵی ٢٠٠٠ەوە بە بەشداربوونی لە کاری ڕۆژنامەوانی ڕاگەیاندی ئازاددا هەموو کاتێک لە دەرخستنی ڕووی ڕاستەقینە و دڕندەی دەوڵەتانی داگیرکەری کوردستاندا بوو.
لە درێژەی ڕاگەیانداوەکەدا سەرنج خراویە سەر خەباتە ڕۆژنامەوانییەکانی شەهید عەزیز لە ڕۆژئاوای کوردستان و گوترا: "بە نوسین و شیکاری و کارەکانی دیکەییەوە، ڕووی ڕاستەقینەی دەسەڵاتداری دەوڵەتی تورکی ئاشکرا دەکرد. مامۆستا و هاوڕی عەزیز بە کارە ڕۆژنامەوانییەکانی لە باکوور و ڕۆژهەڵاتی سووریادا بووە قوتابخانەیەکی بنەڕەتی دەزگایبوونی ڕاگەیاندنی ئازادیی ئەم هەرێمە."
لە ڕاگەیاندراوەکەدا سەرساغی لە بنەماڵەی هێژای شەهید عەزیز و تەواوی گەلی کوردستان کراو و بەڵێنی بەردەوام بوون لەسەر ئامانجی تێکۆشانی ڕۆژنامەوانی ئازاد دووپات کراویەوە.
