دەوڵەتی تورکی داگیرکەر بە فرۆکەی جەنگی و فڕۆکەی بێفرکەوان لەسەر چۆڵاییەکانی ڕوەیشدی باشووری حەسەکە، هێرشێکی ئاسمانی ئەنجام دا و لە ئەنجامدا ١٢ مەدەنی شەهید بوون.

ئیدارەی خۆىەڕێوەبەری دیموکراتیکی هەرێمی باکوور و ڕۆژهەڵاتی سووریا بە ڕاگەیاندراوێک ‌هێرشە ئاسمانییەکەی دەوڵەتی تورکی داگیرکەری لە دژی هەرێمەکە شەرمەزار کرد و ئاماژەی بەوەدا ئەو هێرشانە دەرفەت بە داعش دەدەن بۆ ئەوەی جارێکی دیکە سەرهەڵبدەنەوە.

ئیدارەی خۆبەڕێوەبەری کۆمەڵگەی نێونەتەوەیی لە بەرانبەر ئەم هێرشانەدا بە بەرپرسیار دەبینێت و بانگەوازی لە ڕێکخراوی یاسای و مرۆیی کرد بە شێوەیەکی خێرا ئەم هێرشانە ڕاوەستێنن.

ئیدارەی خۆبەڕێوەبەری ئاماژەی بەوەدا بەشێک لە هێرشەکە ئامانجە بۆ تێکدانی سەقامگیری هەرێمەکە و سەرهەڵدانەوەی چەتەکانی داعشی دەوڵەتی تورکی داگیرکەرن.

لە ڕاگەیاندراوەکەدا بانگەواز لە کۆمەڵگەی نێونەتەوەیی کرا بە شێوەیەکی خێرا دەستوەردان بکات و هێرشەکان ڕاوەستێنێت و سەرەخۆشی لە بنەماڵەی شەهیدان کرا.