كه‌مپینێكی كۆكردنه‌وه‌ی ئیمزا بۆ پاراستنی حه‌سكیف ده‌ستی پێكرد

بزووتنه‌وه‌ی ئیكۆلۆژیی میزۆپۆتامیا و سازمانی هه‌وڵدان بۆ پاراستنی حه‌سكیف به‌مه‌به‌ستی پاراستنی شاری مێژوویی حه‌سكیف له‌ باكووری كوردستان ده‌ستیان به‌ هه‌ڵمه‌تێكی كۆكردنه‌وه‌ی ئیمزا كرد.

كه‌مپینه‌كه‌ ڕۆژی ١١ی حوزه‌یران\٢١ی جۆزه‌ردان به‌ زمانی توركی و ئینگلیزی له‌سه‌ر ماڵپه‌ڕی  Change.org ده‌ستی پێكرد و له‌ ماوه‌ی چه‌ند ڕۆژێكدا نزیكه‌ی ٧ هه‌زار كه‌س به‌شداری تێدا كردووه‌. 

بزووتنه‌وه‌ی ئیكۆلۆژیی میزۆپۆتامیا و سازمانی هه‌وڵدان بۆ پاراستنی حه‌سكیف چه‌ندین ساڵه‌ له‌ چالاكی و هه‌وڵدان بۆ ڕێگرتن له‌ پڕۆژه‌ی به‌نداوێك كه‌ ده‌وڵه‌تی تورك دروستی ده‌كات و شاری مێژوویی حه‌سكیف وێران و ژێر ئاو ده‌خات.

ئه‌و دوو سازمانه‌ به‌رده‌وام له‌ چالاكیدان بۆ سه‌رنج ڕاكێشانه‌ سه‌ر پاكتاوكردنی كولتووری، مرۆیی و سروشتی به‌هۆی دروستكردنی به‌نداوی ئلیسوو. هه‌رچه‌نده‌ بڕیاربوو له‌ ١٠ی حوزه‌یران\٢٠ی جۆزه‌ردان پڕۆسه‌ی گلدانه‌ی ئاوی به‌نداوه‌كه‌ ده‌ستپێبكات، به‌ڵام به‌هۆی ناڕه‌زایه‌تییه‌كان كاره‌كه‌ ڕاگیرا.

s.m