بە ئامانجوو پشتیوانی جە سیستموو ڕاوەبەری ئیزئیدەیەکان جە شەنگال، باوەڕیێ و شناسە جیاوازەکێ میسۆپۆتامیای بە ئۆنلاین کۆبیێوە.
کۆبییەکە، ڕۆو پەنجشەممەی ٢٦ نۆڤامبەرو ٢٠٢٠ی، بە سەرپەرشتی کۆنگرەو گلێرگەو دیمۆکراتیکو کوردستانی جە ئەورووپا (کەجەدەکە -ئە)ی ڕێکوزیا و ژمارێوی فرێ جە نمایەندێ ئایینێ، ئاینزێ و پێکئاماکێ میسۆپۆتامیای بەشدارێش بیێ.

شەنگال خەتەی سوورەنە

جە گلێرەکەنە، هەر یۆ جە نمایندێ، "فەیلی، یارسان، ئێزئیدی، ئاشووری، موسلمان، عەڵەوی و هۆرامی" دید و پەیولوای وێشان سەروو پیلانێ تازێ کە دژ بە ئێزیدیەکان ئیناڕاوە، بەروست و جە ئا بارەوە وریایشان دا، کە مەتەرسی کۆمەڵکشێوی تەری چەمەڕایی ئێزیدیەکان مەکەرۆنە، ئەگەر ڕاگیری جە پیلانەکێ نەکریۆن، کە؟ئێراق، تورکیا و پەدەکە گەرەکشانە کەردەییش بکەرانێ.
سەرجەم نمایەندەکێ هامڕێ بێنێ سەبارەت بە ڕێزگێرتەی جەئیرادە و داواکاری ئێزیدیەکان و وێسەری شەنگالی و داواشان کەرد: "تایبەتمەندی ئێزیدیەکان و شەنگالی وەچەم بگێریۆنە و بە فەرمی حکومەتەکێ ئێراقی و هەرێمو کوردستانی قبوڵش بکەرانێ".

چارەسەری گوفتمان و دیالۆگەن

سەبارەت بە جەنگەرانی پەکەکە-ی و بە فیتو تورکیای هەوڵەکێش پەی هۆرگیرسنای جەنگی کورد بەکوردی، نمایەندێ باوەڕیێ و شناسە جیاوازەکێ میسۆپۆتامیای داواشان کەرد، پەدەکە دەستبەردارو ئا سیاسەتەیە ببۆنە و پەدەکە و پەکەکە جیاتی جەنگی و ئاژاولێ پەنا پەی گوفتمان و دیالۆگی ببەرانێ.
 
جە گلێرەوبیەکەنە زەردەشت هۆرامی، ئەندام جە ڕاوەبەری پلاتفۆرموو هۆرام-ی، قسێش کەردێ و پیلانەو هێرشی پەی سەرو شەنگالی و ئیزئیدیەکانش هۆرشەنگنا و بە پیلانەو ڕژێمە ئەرەگێرەکەو تورکیای جە قەڵەمدا کە جە ڕاشەوە ئامانجشانئەوەسڕیە شناس و باوەڕی دێرینو کوردی (ئایین و فەرهەنگی ئێزیدی) و دلێنەبەردەیسیستمو وێڕاوەبەری ئێئیزیدیەکان.
هۆرامی  داواش کەرد، تا گرد کەسێ و لایێ ئی هەنگامێ پەدەکە و ئێراقی شەرمەزار بکەرانێ و پەشتیوانی جە شەنگالی و تایبەتمەندی ئێزیدیەکان بکەرانێ و دەسوەنەوەردای جە کاروبارو شەنگالی ئێزیدیەکانە نەکریۆن و وێسەریشان بپارێزیۆن.

زەردەشت هۆرامی ئاماژەش بەئانەیەدا، کە هەر هێرشێ پەی سەروو وێڕاوەبەری شەنگالی بە ماناو بە بنەما نەگێرتەو ئیرادە، مدرامان و کۆشیاو رۆڵەکاو شەنگالین. هەر پاسە پەیامێن پەی سەرجەم باوەریێ و شناسەکێ مێزۆپۆتامیای کە ئەگر بێو جە دماڕۆنە جە بەروو سیستموو داگیرکەرا و دەسەڵاتوازاو کوردی داواو مافەکا وێشان بکەرانێ، قبوڵ نمەکریۆنە و مەتەرسی کۆمکۆشتەی و هێرشی پەی سەریشان هەن. 

هۆرامی دەستنیشانش کەردەن: هەر چەنی ئیسە جە پانیشت (باشور)و کوردستانیەنە،  هۆرامیەکێ، فێڵیەکێ و یارسانەکێ جە مافە سەرەتائیەکاشان بێ بەشێنێ، سەوای جە ئەگەرو بە هێز بییەی دەسەڵاتدارێ هەرێمی و  عێراقیەنە، پێش هەن بە گرد شێوازێوە دژایەتی بکریانێ و ڕووبەڕووێ هەمان پیلانێ و هێرشی ببانێوە کە ئارۆ دژ بە ئێزیدیەکانئەناجم مڎریۆنە. پۆچی پشتیوانی کەردەی جە داواکاری ئێزئیدیەکان، ئەرکەن و مافە ئینسانیەکێ و وێڕاوەبەری ئێزیدخانی خەتەی سوورەنە پێ گردلایێ. ئێمە باوڕمان ئانەن کە ڕاو ئازادی گەلەکا و شناسە جیاوازەکێ میسۆپۆتامیای جە شەنگالەنە چەکەرەش کەردەن و بە ئامانج بیاوۆنە.