داعش بەرپرسیاری هێرشەکەی ڤیەننای لە ئەستۆ گرت
داعش بەرپرسیاری هێرشەکەی ٢ی ئەم مانگەی لە ڤیەننا لە ئەستۆ گرت کە لە ئەنجامدا ٤ کەس کوژران.
چەتەکانی داعش لەسەر تەلەگرام ڕاگەیەنراوێکیان بڵاوکردەوە و بەرپرسیاری هێرشەکەیان لە ئەستۆ گرت.
بەپێی لیدوانی وەزیری ناوخۆی نەمسا لە هێرشەکەدا ٤ کەس کوژراون کە یەکێکیان هێرشبەرەکە بووە و ٢٢ کەسیش بریندار بوون.
کاڕل نیهامیر وەزیری ناوخۆی نەمسا ڕایگەیاند، هێرشبەرەکە هەوڵیدابوو ساڵی ٢٠١٩ بچێتە سوریا و بەشداری لە ریزەکانی داعشدا بکات و بۆیەش دادگا ٢٢ مانگ سزای زیندانی بەسەردا سەپاندبوو.
بەپێی زانیاریەکان هێرشبەرەکە مانگی کانونی دووەمی ئەمساڵ ئازادکرابوو و لایەنگرێکی سەرسەختی ڕێکخراوی چەتەگەری داعش بووە.
ف.ق
