لە ئیدلب لە بارەگای سوپای تورک درا

لە باکووری ئیدلب لە بارەگایەکی سەربازیی سوپای تورکی داگیرکەر درا.

بەپێی زانیارییەکان لە باکووری ئیدلب لە بارەگای سەربازیی باتوبای سوپای تورکی داگیرکەر دراوە و لە ئەنجامدا ٣ سەربازی تورک کوژراون.

لە تۆڕەکۆمەڵایەتییەکانی سەر بە گروپە چەتەکانی دەوڵەتى تورکدا بانگەشەى ئەوە کراوە، کە گوایە سەربازێک بریندار بوو.

گروپێک بە ناوی ئەنساری ئەبوبەکری سدیق بەرپرسیاریی چالاکییەکەى لە ئەستۆ گرتووە.

ماوەیەکە لە ئیدلب هەندێک هێرش ئەنجام دەدرێن و ئەو هێرشانە لەلایەن هەندێک گروپەوە بەرپرسیارییان لە ئەستۆ دەگیرێت، کە پێشتر لە هیچ شوێنێکدا ناویان نەبووە.

ژ.ت