لە ئەریڤانی ئەرمینیا رێپێوان لە دژی پیلانگێڕی بەڕێوەچوو
لە شاری ئەریڤانی پایتەختى ئەرمینیا رێپێوانێک بۆ ئیدانەکردنى پیلانگێڕیی نێونەتەوەیى ١٥ی شوبات رێکخرا.
لە شاری ئەریڤانی پایتەختى ئەرمینیا رێپێوانێک بۆ ئیدانەکردنى پیلانگێڕیی نێونەتەوەیى ١٥ی شوبات رێکخرا.
کوردستانیان و دۆستەکانیان بە پێشەنگایەتیى کۆمیتەى کوردستان و یەکێتیى ژنانى ئازاد لە بەردەم بینای ئۆپێرا لە ئەریڤان کۆبوونەوە و رێپێوانیان ئەنجامدا.
چالاکوانان لە رێپێوانەکەدا پۆستەرەکانى عەبدوڵا ئۆجالان رێبەری گەلی کوردیان بەرزکردەوە و دروشمەکانى "بژی سەرۆک ئاپۆ"، "بێ سەرۆک ژیان نابێت"، "بژی بەرخودانى رۆژئا"، "بژی بەرخودانى شەنگال"، "ئەردۆغان فاشیست، تورکیا فاشیست" وترانەوە.
کنیاس حەسەنۆڤ هاوسەرۆکایەتیى یەکێتیى کوردستان لە ئەرمینیا و پەرلەمانتاری کورد لە پەرلەمانى ئەرمینیا لە گۆڕەپەیانى میتینگەکە وتەیەکى پێشکەشکرد و پیلانگێڕییەکەى ئیدانەکرد.
حەسەنۆڤ سەرنجی خستەسەر بێدەنگیی رێکخراوەکانى نێونەتەوەییەکانی مافەکانى مرۆڤ لە بەرامبەر گۆشەگیری و وتی "رێبەر ئاپۆ ماوەى ٢١ ساڵە بە ئیرادە و ورەیەکى بێ هاوتا لە ناو هەلومەرجی قورسی زینداندا لە بەرخوداندایە و ئامانجی پیلانگێڕییەکەى پوچ کردووەتەوە. ئەوەى دەکەوێتە سەر شانی ئێمە ئەوەیە، بە بەرخودانێکى لەو شێوەیە پیلانگێڕییەکە بە تەواوی تێکبشکێنین. بۆ ئەوەش ئێمە تێکۆشانی خۆمان لە هەموو گۆڕەپان و ئاستەکاندا گەش دەکەین".
ئیلا تۆڤماسیان هاوسەرۆکى کۆمیتەى کوردستان، ژێنیکا قادر ئەندامی کۆمیتەى کوردستان، شێخ تاهیر برۆیان ئەندامی کۆمیتەى کوردستان، خەلیل خەمگین ئەندامی کۆمیتەى کوردستان وتەیان پێشکەشکرد و لە وتەکانیاندا داواى ئازادییان بۆ ئۆجالان کرد. میتینگەکە بە شێعرەکانى زیلان رەشۆیان کۆتایی پێهات.
ژ.ت