به‌هۆی بۆردومانی فڕۆكه‌ جه‌نگییه‌كانی توركیا له‌ برادۆست هاوڵاتییه‌كی سیڤیل شه‌هید بوو

فڕۆكه‌ جه‌نگییه‌كانی سوپای توركی داگیركه‌ر بۆردومانی ناوچه‌ی گۆشینی ده‌ڤه‌ری برادۆستیان كرد. به‌هۆی هێرشه‌كه‌ هاوڵاتییه‌كی سیڤیل شه‌هید بوو و هاوڵاتییه‌كی دیكه‌ش بریندار بوو.

هێرشه‌ داگیركارییه‌كانی ده‌وڵه‌تی توركی داگیركه‌ر له‌ دژی باشووری كوردستان به‌رده‌وامن. پاشنیوه‌ڕۆی ئه‌مڕۆ فڕۆكه‌ جه‌نگییه‌كانی سوپای توركی داگیركه‌ر ناوچه‌ی گۆشین-ی ده‌ڤه‌ری برادۆستیان بۆردومان كرد.

په‌یامنێرمان ڕایگه‌یاند، له‌ هێرشه‌كه‌دا ئۆتۆمبێلێكی هاوڵاتییانی سیڤیل كراوه‌ته‌ ئامانج. له‌ ئه‌نجامدا هاوڵاتییه‌ك به‌ ناوی مه‌نسوور نافع كه‌ له‌ قه‌زای چۆمان پۆلیسه‌ شه‌هید بووه‌ و براكه‌شی به‌ ناوی په‌شێو نافع بریندار بووه‌.

په‌یامنێرمان ڕاشیگه‌یاند، برینداره‌كه‌ ڕه‌وانه‌ی نه‌خۆشخانه‌ی سیده‌كان كراوه‌. جموجۆڵی فڕۆكه‌ جه‌نگییه‌كان و فڕۆكه‌ سیخووڕییه‌كانیش به‌رده‌وامه‌.

s.m