ڕامیاریمەدارا سوریانی ئاماژەشا پانەیە کەرد کە دۆڵەتو تورکی ئەرەگیری جە پانیشتو کورڎەسانی هرووژم مکەرۊ سەرو دەگایا سوریانییەکا و واتشا: "بە مەڵامەتوو سۊچنای هەرېمەکەیشاوە دەگانشینیەکۍ کلدانی، سوریانی، ئاشووری ناچارۍ بېیێنۍ ماواو ۋېشا جیابازا."
دەوڵەتو تورکی ئەرەگیرکەری بە فراوانکەردەی لەشکرکێشییەکاش پەی سەرو پانیشتوو کورڎەسانی بە هامکاری و چەمساغی پەدەکەی نۆکەریش بەردەواما. دەوڵەتو تورکی ئەرەگیرکەری گرڎ و یانەو مەنزڵ و ئەرەنیشتا هەرێمەکەی وێران مکەرۆ و بە ئەنقەس ۋەربیەن ژیۋگەو کورڎەسانی. یۆ چا نەتەوا کە ۋەرو کاریگەری هرووژمە ئەرەگیریەکا کەوتەن نەتەوەو ئاشووریەکان جە پانیشتوو کورڎەسانینە. جە بارەو هرووژمە ئەرەگیریەکا تورکیوە، یاگەگیرەو سەردارو ئەنجومەنو ڕاوەبەری ئیدارەو خۆسەری سەرنیشت و ۋەرکۊتوو سوریای و سەردارەو پارتو یۆبیەی سوریانی ئێلزابێس کۆریا، حەرپاسە سەردارو یۊبیەی نیشتیمانی بێس نەهرەین یوسف مەتی سەبارەت بە هرووژمە ئەرەگیریەکا دەوڵەتو تورکی پەی ئاژانسیما قسێشا کەردۍ.
یاگەگیرەو سەردارو ئەنجومەنو ڕاوەبەری ئیدارەو خۆسەری سەرنیشت و ۋەرکۊتوو سوریای و سەردارەو پارتو یۆبیەی سوریانی ئێلزابێس کۆریا، ئاماژەش پانەیە کەرد کە دەوڵەتو ئەرەگیرو تورکی هرووژم مکەرۆ سەرو دەگایەکا سوریانی جە پانیشتوو کورڎەسانی و سیاسەتو سۊچنای و کۆچبەرکەردەی دەگانشینەکا بەردەواما و واتش: "مەرامو دەوڵەتو تورکی چۆڵکەردەی دەگایەکان."
سەردارو یۆبیەی نیشتیمانی بێس نەهرەین یوسف یەعقوب باسش چانەیەکەرد دەگا سوریانی نشینەکا ئینۍ چېرو هرووژمی ئەرگیری دەوڵەتو تورکیاینە و واتش: "هەرێموو سوریانییەکا کە ئینا چێرو هروژم و ئەرەگیرکەردەی تورکینە بە فراوانی ٢٠٠ کیلۆمەترا و قوڵای ٥٠ کیلۆمەترا مەساحەشا. بەشێ چا هەرێمەیە گنۆ جە پانیشتوو کورڎەسانی و ئەرەنیشتۍ ڕەسەنۍ گەلوو سوریانیش چنە ئەرەنیشتێنۍ."
یوسف جە درێژەو قسەکاشەنە واتش: "چەمۍ تەماعەو ئەردۆغانی پەی خاکو عێراقی ڕۆشنبیۆ. عەیامێوەن سوپاکێش کیاستێنە پەی جە پانیشتوو کورڎەسانی. زیاڎ جە ٢٠ دەگایا سوریانی کۊتێنۍ ۋەرو هرووژمە ئەرەگیریەکا تورکی ئەرەگیری. ئینەیچ کارەساتێوە مرۆییا و هەڵای بەردەواما. ئەرەنیشتۍ ئا هەرێمەیە دەیان کەرەتۍ کۊتێنۍ ۋەرو هرووژم و دڕنڎەیی سوپاو تورکی."
