چوارچوەو هەڵمەتەکێنە، جمیەروو ژەناو کوردوو ئەورووپای (تەژەکە-ئە) هەڵمەتێوی نامەکیانایش پەی سی پی تیی دەسش پەنە کەردەن داواو ورگێرتەی وەرپەرسییش کەردەن. ئارۆ شاروو باسلوو سویسراینە هەڵمەتەکێ دەسش پەنە کەرد.

ئەنجوومەنوو ژەنا کە چێروو چەترەو یۆبییەی ژەنە کورداو سویسرا (یەژەکە-س)ینە درێژە بە چالاکییەکاشا مدانێ، ئەوەڵوو ئی حەفتەیوە بە هەزارا نامێشا کە شارەکاو لۆزانی، سیۆنی، زوریخی و ژنێڤینە جەمێ کەردێبێنیوە پەی سی پی تی-یشا کیانێ.  

ئەنداماو ئەنجوومەنوو ژەناو ڕووناهی وەردەموو پۆستەخانەو کلاراپلاتزینە جەمێ بیێوە و ١٣٠٠ نامەکەشا پەی سی پی تیی کیانێ، وەڵێ کیانای نامەکانە، نیکلا کلیچ بە نامێ ئەنجوومەنوو ژەناو ڕۆناهییوە بەیاننامێوەش واناوە.

' ئیمرالیینە کردەوەی نائینسانانێ مکریا'

نیکلا کلیچە واتش کە گەلوو کوردی و دۆسەکێشا ساڵانێوەن بە بەردەوامی تا سی پی تی هەرمانەو وێش بیاونۆ یاگێ، هەڵمەتەی جیاوازە مکەرانێ و واتش: "پێسەو کوردستانییاو باسلی، ئارۆ چوارچوەو هەڵمەتێوەنە نامێ پەی بۆ سی پی تی مکیانانێ و جارێوی تەر گەرەکمانە سی پی تی هەرمانەکێ وێشش ویرێ نەشاوە. ئارۆ هەرمانێ نائینسانانێ دژوو ڕابەرایەتیما مکریانە. جارێوی تەر ویرتا موزووە، کە ئی هەڵوێست و بێدەنگییەو سی پی تی قبووڵ نمەکەرمێ. تا ڕابەرایەتیما ئازاد نەبۆ، پێسەو ژەناو کوردی گردوو بوارەکانە درێژە بە چالاکییەکاما مدەیمێ."

دماو وتارەکەی ١٣٠٠ نامێ ئیمزێکریێ پەی بۆ سی پی تیی کیانیێ.