بازیدوو ئاگریینە ٢٥و تەمموزینە ورکوویان سەروو یانا و ٧کەسێ دەسبەسەرێ کریێ، میوزیکژەن گۆکهان ڕازی ئۆغۆلاری بە تۆمەتوو "پرۆپاگەندەی و ڕێکوستەی" کریا زیندان. دەسبەسەرکریێکێ وەڵێ ٢ حەفتانە ئاهەنگێوە گۆرانیێ کوردیێشا واتێ و ورپڕێ، دمایی لاو گرووپێوی نەژادپەرسیوە کریێ ئامانج. گۆکهان ڕازی ئۆغۆلاری و ئۆکان سەدرکەن و جاهید بردال و ئیبراهیم یاردمجی و زارۆڵیوە بە نامێ م. و ٢ کەسێ کە نامێشا نەزانیێنە دەسبەسەرێ کریێ. 

٤ کەسێشا دماو ئیفادەدای ڕاوەبەرایەتیی پۆلیسوو مەنتێقەکەیوە ئازادێ کریێ، میوزیکژەن ڕازی ئۆغۆلاری و سەدرکەن و بردال بە داوا ئازادێ کریێ بە شەرتەو چەمداریی یاسایی، ڕوانەو دادگاو سزاو سوڵحێ کریێ.

ڕازی ئۆغۆلاری بە تۆمەتوو "پڕوپاگەندەی و ڕێکوستەی" کریا زیندان. ٢ کەسەکەی تەر بە شەرتەو چەمداریی یاسایی ئازادێ کریێ. ئا قەناعەتە کە یانێ "ڕەنگای چالاکییەکە بفاڕیۆ پەی ئەندامبییەی ڕێکوستەی" کریا بە بەهانێ پەی زیندانیکەردەی ڕازی ئۆغۆلاری.