ناوەندوو ئەرەیاونای و چاپەمەنیی هەپەگەی سەبارەت بە چالاکیی گەریلاکا و هجوومەکاو سوپاو تورکی ئەرەگیرکەری ئی زانیاریێشە وەڵا کەردێوە:

هەرێموو کاتۆی؛

جە ئەرەیاونیاو ٣١و تەمووزینە واتەبێما، کە ئەنجاموو هجووموو دوژمنینە، جە ٢٥و تەمووزوو ٢٠٢٤ پەی سەروو مەیدانوو کاتۆ خەلیلای جە هەرێموو بۆتانینە ئەنداماو گیانبازیی کۆشیاو ئازادیی کوردستانی هامڕێما بەندا ئامەد، دەستینا بۆتان و باران خەملین تێکەڵ بە کارەوانوو گەشمەردا بیێ. سەبارەت بە زانیارییەکاو هێزەکاما پێوەس پا ڕووەدایە؛ ڕۆو ٢و  تەمووزی ئەنجاموو ڕاپۆرتەو خائینێوە سەرسەعبەنە دژوو ئا مەیدانا هامڕێماش دلێنە مەنێنێوە، ئۆپراسیۆنێوە دەسش پەنە کریابێ، هامڕێما بەندا، دەستینا و باران دژوو ئا ئۆپراسیۆنەیە بە ئازایەتیێوی بەرزۆ وەرپەرچشا داوە و تا سەعات ١٤:٠٠ بە قارەمانییوە وێگێرییشا کەرد و جەنگیێ.چا جەنگە دژوارەنە ٢ ئەرەگیرکەرێ سزا دریێ. سوپاو تورکی ئەرەگیرکەری کە دەرەقەتوو کۆشیای هامڕایاما نێ، کە بە قارەمانی گژیێنێ و نەتاواش بیاوۆ هیچ ئەنجامێوی و زەرەری گیانییش وەرکەوت، پەی چندین سەعاتا  ئا مەیدانێ کە هامڕێما چا مەنێنیوە ڕاو فڕۆکەی جەنگی و هەلیکۆپتەریوە بۆردومان کەرد. هامڕێما بەندا، دەستینا و باران ئەنجاموو ئا بۆردومانەینە کە چند سەعاتێش خواینا، تێکەڵ بە کارەوانوو گەشمەردا بیێ.

هەرێموو گەشمەردە دەلیلوو وەرنیشتوو زاپی

٢ێ ئاب سەعات ١٢:٢٥ بە تاکتیکوو نیشانەماڕێ کامێرایێوی چەمداریی حەراری ئەرەگیرکەرا مەیدانوو مدرامانوو کەشوو ئێف ئێمی دریا و دلێنە بریا.

٢ێ ئابی سەعات ١٥:٣٠ ئەرەگیرکەرێ مەیدانوو مدرامانوو کەشوو بەهارینە بە چالاکیی هەماهەنگی گەریلایی کریێ ئامانج و گورزشا وەنە دریا. چالاکییەکەنە ٤ ئەرەگیرکەرێ سزا دریێ، ٢ کامێرێ چەمداری حەراریێ و ٣ خێمێ دلێنە بریێ.  چالاکییەکە یەرێ قۆڵێوە بە چەکی کەسی و نیوئۆتۆماتیک کریا.

٣ێ ئابی سەعات ٠٠:٢٥ ئەرەگیرکەرێ مەیدانوو مدرامانوو کەشوو ئامێدیینە وەختێو کەوتێ جموجووڵۆ بە تاکتیکوو نیشانەماڕێ کریێ ئامانج و ئەرەگیرکەرێوە سزا دریا.

هجوومەکاو سوپاو تورکی ئەرەگیرکەری بە تەقەمەنیی قەدەغە:

١و ئابینە تونێلەکاو ئێمە مەیدامانوو کەشوو جودیینە جارێوە بە تەقەمەنیی قەدەغە بۆردومانێ کریێ.

هجوومەکاو سوپاو تورکی ئەرەگیرکەری:

١ و ٢ێ ئابینە مەیدانەکاو قەلەی، گەشمەردە شەریف، بەربزن، کەشوو گەشمەردە هێمنی، کەشوو گەشمەردە هاواری و لۆلانی هەرێموو خواکورکینە ٦ جارێ، مەیدانەکاو دەشتەو کافیای، رێبینی، دێرەشی و هەفتەباخی هەڕێموو گارەینە ٥ جارێ، مەیدانەکاو شێلازێ، مەیدانوو مدرامانوو سەروو مەتینای هەرێموو مەتینا ٢ جارێ و مەیدانوو مدرامانوو کەشوو بەهاری هەرێموو گەشمەردە دەلیلوو وەرنیشتوو زاپی ٢ جارێ؛ بە گردیوە ١٥ جارێ بە فڕۆکەی جەنگی بۆردومانێ کریێ.

جە ١ و ٢و ئابی مەیدانوو کەشوو شەکیفوو هەرێموو خواکورکی و مەیدانوو مدرامانوو دەرگەلێی هەرێموو مەتینای بە هەلیکۆپتەری هجوومبەر بۆردومانێ کریێ".