چالاکی ئاسمانی گەریلای: ٥ ئەرەگیرۍ سزادریۍ
یەکینەو گەشمەرڎە دۆغان زنارو هەپەگەی پەی خێرامای جە یاڎو ١٥و ئاب (تەباخ)ی جە هەرێموو گەشمەرڎە دەلیلینە جە ۋەرنیشتوو زاپی چالاکی ئاسمانیش کەرد. لاو کەمیۆ ٥ ئەرەگیرۍ سزادریۍ و ١٣ی تەریچ زامڎارۍ بیۍ.
ناوەڼو ئەرەیاۋنای و چاپەمەنی هەپەگەی جە بارەو چالاکی ئاسمانی یەکینەو گەشمەرڎە دۆغان زناریۆ ئەرەیاۋنێوەش وەڵا کەردۆ.
جە سەرەتاو ئەرەیاۋناکەینە ئامان، "یەکینەو گەشمەرڎە دۆغان زناری پەی خێرامای جە هەڵمەتەو تاریخی ١٥و ئابی کە بە سەرمەشقایەتی فەرماندەی نەمریما هەمڕا عەگیدی کریا، چالاکی ئاسمانییشا کەرد. سوپاو تورکی ئەرەگیری کە گرڎ ڕووۍ جە زەمینۆ گورزەش وەرگنۆ، جە هەڵمەتەو گەریلاکاو ئازاڎیی کورڎەسانینە کە تەکنەلۆجیاشا وستەن خزمەتو تاکتیکەکاشاوە، جە ئاسمانیچۆ گورزەش وەرگنۆ".
**
'٥ ئەرەگیرۍ کوشیۍ. ١٣ ئەرەگیرێچ زامڎارۍ بیۍ'
جە ئەرەیاۋنێوەنە جە بارەو چالاکی ئاسمانی گەریلایۆ ئی زانیارییە ئەرەیاۋییا:
"جە ما بەینوو ١-١١ ی ئابی جە هەرێموو گەشمەرڎە دەلیلی جە ۋەرنیشتوو زاپی بە کەرەسەی ئاسمانی جە بارەگاکاو سوپاو تورکی ئەرەگیری دریا. جە کەشوو ئێف ئێمی، کەشوو ئامێدی، کەشوو وەهاری و مېڎانوو مڎرامانوو سەرگەلێنە ٨ جار جە ئاسمانۆ جە ئەرەگیرا دریا. جە ئاکامەنە ئاڼەی پەیما ڕۆشن بیەنۆ؛ ٥ ئەرەگیرۍ سزادریێنۍ، ١٣ ئەرەگیرێچ زامڎارۍ بیێنۍ، ٥ خێمۍ دلێنەبریێنۍ و گورزە جە یەرۍ مۆڵگە شنیان".
شناسنامەو ئا ئەرەگیرا کە سزا دریێنۍ
جە دمادمایی ئەرەیاۋناکەینە زانیاری سەرو شناسنامەو ئا ئەرەگیراوە وزیان ڕووە، کە بە سزا یاوێنۍ و جەختیچ کریانۆ کە سوپاو تورکی ئەرەگیری جە گورزەی قورسەو گەریلای قوتارش نمەبۆ.
"زانیارییەکۍ سەرو شناسنامەو بەشۍ چا ئەرەگیرا کە سزادریێنۍ یاخوڎ زامڎارۍ بیێنۍ پی جۆرەنە؛ ئانە یەکلایی بیەنۆ کە یەرۍ پلەدارۍ بە پلەو ملازمی بە نامەکا ئومید شاهین، باقی کالان و زیار ڤورالی، سەرپەلێوە بە نامۍ ئیبراهیم گوڤەرجینی، سەروازۍ کرێگرتە تۆڵگا ئارموت و ئۆکتای جەنگیز سزادریێنۍ یاخوڎ زامڎارۍ بیێنۍ. دەوڵەتوو تورکی ئەرەگیری و میدیاو جەنگی تایبەتیش ئەنجامەکاو ئا چالاکیا گەریلای و ئا گورزۍ جە ئەرەگیرا شنیێنۍ بە هیچ جۆرێ ئاشکراشا نەکەردەن، ئەگەر کوشیا و زامڎارەکایچشا پەردەپۆش بکەرا، جە گورزەی جەرگبڕەی ئاسمانی و زەمینی گەریلاکا ئازاڎیی کورڎەسانی، کە سەرو رێبازو فەرماندە عەگیدی ڕا مکەرا، نمەتاوا ۋێشا قوتار بکەرا".
