ناوەندوو ئەرەیاونای و چاپەمەنیی هەپەگەی ئاشکراش کەرد چالاکییەکاو گەریلای دژوو ئەرەگیرکەرا بەردەوامەن، وەرنیشتوو زاپینە ئەرەگیرکەرێوە سزا دریا، گورز وەنەو مۆڵگێوی دریا و ڕا وەنەو  جووڵەو هەلیکۆپتەرەکا گیریا.  

بە قسێ ئەرەیاونایەکەی هێزەکاو ئەرەگیرکەرا دووێ جارێ بە چەکی قەدەغەکریا هجوومشا کەردەن سەروو  گەریلای، ١٨ جارێچ بە فرۆکەی جەنگی بۆردومان کریان هەرێمەکەنە.

ئەرەیاونایەکەو هەپەگەینە ئینێ بەروزیێنێ:

"هەرێموو گەشمەردە دەلیلوو وەرنیشتوو زاپ؛

٣١و تەمووز سەعات ١٥:٣٠ دەیەقێ لە مەیدانوو مدرامانوو کەشوو جودینە کامێرێوی چەمداری ئەرەگیرکەرا بە نیشانەماڕێ مەڕییا.

٣١و تەمووز سەعات ١٧: ٢٠ دەیەقێ مەیدانوو مدرامانوو کەشووجودیینە بە نیشانەماڕێ گورزوەنەو ئەرەگیرکەرا دریا و ئەنجامنە ئەرەگیرکەرێوە بە سزا یاونیا. چالاکییەکە هێزەکاو یەژا ستاریما کەرد.

٣١و تەمووزی سەعات ٠٨:١٠ و ١٨:٥٥ دەیەقێ مەیدانوو مدرامانوو کەشوو جودینە جمووجووڵوو هەلیکۆپتەرەکاو ئەرەگیرکەر مردنیا.

١و ئابی سەعات ٠٠:١٠ دەیەقێ بە چەکی قورس مەیدانوو مدرامانوو کەشوو ئێف ئێمینە گورز وەنەو ئەرەگیرکەرا دریا ، گورز وەنەو مۆڵگێویچشا دریا.

١و ئابی  سەعات ٠٦:٥٦ دەیەقێ لە مەیدانوو مدرامانوو  سەرگەلێ بە چەکی نیو-ئۆتۆماتیکی جە چندین قۆڵێوە گورز وەنەو ئەرەگیرکەرا دریا.  

هجوومەکاو دەوڵەتوو تورکی ئەرەگیرکەری بە تەقەمەنیی قەدەغەکریا؛

٣١و تەمووز مەیدانەکاو سنین، ئاوەو لۆلانی، گەشمەرد شەریفوو هەرێموو خواکوڕکی ٨ جارێ، مەیدانەکاو ئەرگەنێ، دۆڵەو مێرانوو هەرێموو گارەی ٣ جارێ، مەیدانەکاو مدرامانوو شێلازێ و بێشیلیی هەرێموو مەتینای ٥ جارێ، مەیدانوو مدرامانوو کەشوو بەهاری هەرێموو گەشمەردە دەلیلوو وەرنیشتوو زاپی ٢ جارێ؛ بە گردیوە ١٨ جارێ بە فرۆکەی جەنگی بۆردومانێ کریێ."