مەجلیسوو گەلوو لەندەنی دژوو گۆشەگیریی سەروو ڕابەروو گەلوو کوردی عەبدوڵا ئۆجالانی وەردەموو بیانو وەزارەتەکاو بەریتانیاینە پەی ماوە و ٣ ڕوا چالاکیی ئەرەنیشتەیش دەس پەنە کەرد، ئەنداماو تەڤگەروو گەنجە شۆڕشگێڵناو بەریتانیای بەشدارێ چالاکییەکەی بێنێ، وەردەموو بیناو وەزارەتەکانە داونینگ ستریتنە. ئاڵاو ڕابەروو گەلوو کوردی عەبدوڵا ئۆجالانی ورەکریا و ستاندێ نریێرە، جە چالاکیی ئەرەنیشتەیەکەینە نویستەی " ئازادیی پەی عەبدوڵڵا ئۆجالانی" بە چندین زوانێ ورکریا، درووشموو " بژیوۆ ئۆجالان" و " ئازادیی پەی ئۆجالانی" و " هیزی ماندێلا و ئارۆ ئۆجەلان" بەرزێ کریێوە.

هەرپاسە برۆشورێ دەربارەو گۆشەگیریی سەروو ڕابەروو گەلوو کوردی عەبدوڵا ئۆجالانی و دەوروو چارەسەری ئاشتییانەو پەرسەو کوردی ملوو دەوروبەریرە بەشێ کریێ.

هامسەرۆکاو مەجلیسوو گەلوو کوردی، تورکان بوداک و ئیسحاق میلانی قسێشا کەردێ، ئاماکەشا پانەیە کەرد، گۆشەگیریی ئیمراڵی نائینسانانە و نایاساییەن، جەختشا کەردۆ کە ڕابەروو گەلوو کوردی عەبدوڵا ئۆجالان تاکەکەسەن پەی ئاشتیی وەرکەوتوو دلێراسەی پڕۆژەو ئاشتیی سەیستماتیک و یۆگێرتە پیشکەش مکەرۆ.

ئەرەیاونیا وەروو ئانەیە کە هەڵوێست دژوو ڕژێمی فاشیستوو تورکی نمەگیریۆرە وەر، تا مێ جەنگ کوردسانەنە سەختتەر مبۆنە و داوا وەنەو دەوڵەتوو بەریتانیای کریا، هەڵوێست دژوو ڕژێموو ئەردۆگانی نیشانە بدۆ. جەخت کریاوە کە گۆشەگیریی ڕەهاو سەروو رابەروو گەلوو کوردی عەبدوڵا ئۆجالانی قبووڵ نمەکریۆ، بێدەنگیی سی پی تی و کۆنسەو ئەورووپای چەنی ڕێسا دیموکراتیک و ئەخلاقییەکان یۆ نمەگێرۆوە. 

چالاکییەکە پەی ماوەویەرێ ڕوا وەردەموو بیناو وەزارەتەکاو بەریتانیاینە بەینوو سەعات ١٣:٠٠ پەی ١٧:٠٠ بەردەوام بۆ.