دەم پارتی: مشۆم دەمودەس بۆردومانەکۍ مردا
دەسەو ڕاوەبەری ناوەندی دەم پارتی ئەرەیاۋناش، کە ئۆپراسیۆنی سەروازی جە دژو مەدەنییەکا پاشێلکەردەی بنەما یاساییە مېیاننەتەوەییەکان و داواش کەرڎە دەمودەس دمایی بە بۆردومانو ناوچە مەدەنی نشینەکا بێنە.
دەسەو ڕاوەبەری ناوەندی دەم پارتی سەبارەت بە هرووژمە قڕکارییەکا دۆڵەتو تورکی ئەرەگیری پەی سەرو ناوچە جیاجیاکا کورڎەسانی ئەرەیاۋنێوەش وەڵا کەرڎۆ.
جە ئەرەیاۋناکەینە ئامان، "هرووژمە ئاسمانییەکۍ کە دماو هرووژمەکەو سەرو توساشی جە کاهرەمان کازانی ئەنقەرەی دەسشا پنەکەرڎەن، تەنیا تنوتیژیەکا ناوچەکەی قووڵتەر مکەراوە. بۆردومانو چڼین ناوچا سەرنیشت و ۋەرکۆتوو سوریای، بەتایبەتیچ جە کۆبانێ، ژیۋای گەلی مەدەنیش وستەن مەترسیۆ. کاریگەری کاولکەر و جەنگی سەرو گرڎو لایەنەکا جە هەڕێمەکەنە بۆ بە مایۍ کارەساتێوی گۆرەی. ئۆپراسیۆنی سەروازی جە دژو مەدەنییەکا پاشێلکەردەی یاسا و بنەما مېیاننەتەوەییەکان. بەردەوامیدای بە جەنگی تەنیا بۆ بە مایۍ زیاتەر بیەی زەرەرە گیانیەکا و قووڵتەر بیەیۆ زامەکا. داوا جە گرڎو لایەنەکا مکەرمۍ کە ڕاو چارەسەری ئاشتیانەی و دیالۆگی بگێرانە ۋەر".
