بە پاو هەواڵێوە رۆژنیوزی دەوڵەتو تورکی ئەرەگیری سەعات ١١:٠٠ بە کاتوو مەنتیقەکەی جە ڕاو فرۆکەی جەنگیوە کەشو مەتینایش بۆردومان کەردەن، کە گنۆ سنوورو قەزاو ئامێدیی سەر بە پارێزگاو دهۆکی.

ئەرەیاۋییا کە بە مەڵامەتوو بۆردومانەکەیۆ ئێرێوە گەورە جە مەنتیقەکەنە کەوتەنۆ. هەڵای تیمەکۍ ۋەرگیریی شارسانی هەرێموو کورڎەسانی حیچ هەنگامېوەشا پەی کۆنترۆڵکەردەی ئێرەکەی نەنیان.

دەوڵەتو تورکی ئەرەگیری جە ڕوانی ۋییەردەنە هرووژمەکێش پەی سەرو کەشو مەتینای چڕتەرۍ کەردێنێوە و ژمارێوە فرە سەروازۍ، چەکی قورس و ترۆمبێلۍ زرێپۆشۍ جە هەرێمەکەنە بنە پنە وستێنۍ. بەمەڵامەتوو هرووژمەکاوە چنڎین دەگۍ چۆڵێکریێنۍ، بەغڎا و هەولێریچ جە ۋەرا ۋەروو ئا ئەرەگیریەو دەوڵەتو تورکینە تا ئیساتۍ بێدەنگیشا هۊرچنیەن.