چند سەعاتێوی چێوەڵتەر، فڕۆکەی بێفڕۆکەوانوو دەوڵەتی ئەرەگیروو تورکی، دوێ دەگایا هەرێموو شارباژێڕوو سەر بە سلێمانیشا بوردومانێ کەردێ، بە پاو زانیارییەکا زەرەریوی فرەی ماددی وەروو باخوو دەگانشینا یاوان.
بە قسێ ئا سەرچەمە باوڕپەنەکریایا کە دەاما کەوتێنێ، وێرەگاو ئارۆی سەعات ٦:٤٥، فڕۆکە بێفڕۆکەوانەکاو دەوڵەتوو تورکی ئەرەگیری دۆڵەو شورەو نزیکوو گەڵاڵەی و دەگاو سەفرەو سەر بە شارەکڵەو شارباژێڕوو سلێمانییشا پانیشتوو کوردسانینە بۆردومان کەردێنێ.
بە قسێ هەمان سەرچەمەی فڕۆکە بێفڕۆکەوانەکاو دەوڵەتی ئەرەگیروو تورکی بەیانییوە سەروو مەنتێقەکەیرە سووڕیێنیوە و ئارۆ دۆڵەو شورەی نزیکوو گەڵاڵەی ٣ جارێ بۆردومانە کریێنە و ئایر چۆ وەردریتان و دلێ دەگاو سەفرەی جارێوی بوردومان کریان.
بەپاو زانیارییەکا، بۆردومانەکە زەرەیوی فرەش دان باخ و زەرعاتوو هاموەڵاتا و خەڵکوو ئی دووە دەگایا ناڕەزایەتییێوی گەورە وەراوەروو هجوومەکاو دەوڵەتوو تورکی نیشانە مدا.
هەڵای وردەکاریی زیاتەر وەردەس نییەن.
