دەیرەزۆرنە هەوڵێوی تازێ هجوومکەردەی شکسش پەنە ئاریا
مەجلیسی سەروازیی هەجینی ئەرەیاوناش، کە گرووپیوی چەکداری دیفاع وەتەنی سەر بە حکومەتوو شامی هەوڵێشا دێ هجوومیوی تازە بکەرا سەروو وەرکەوتوو دێرەزۆری، بەڵام شکش پەنە ئاما.
مەجلیسی سەروازیی هەجینی سەروو پەلیانەکەیشاوە میدیای دیجیتاڵینە واتش:" چەکداراو دیفاع وەتەنی هەوڵێشا دێ دزە بکەرا دلێ دەگایەکاو وەرکەوتوو کانتۆنوو دەیرەزۆری، هەوڵەکێشا جەنگەوانەکاما ماڕا".
٧-٩ و ئابی گرووپوو دیفاع وەتەنی و گرووپە چەکدارەکای تەرێ بە تۆپێ و هاوەنێ هجوومسا کەرد سەروو دەگایەکاو وەرکەوتوو دێرەزۆری و ئەنجامەنە ١٣ کەسێ گەشمەردێ بیێ و دلێسانە ژەنی و زارۆڵێ بێنێ و ١٢ کەسێچ بریندارێ بیێ.
مەجلیسی سەروازیی دەیرەزۆری ئەرەیاونابێش، ٢٥ ئەندامێ گرووپوو دیفاع وەتەنی و گرووپە چەکدارەکاو تەروو سەر بە حکومەتوو شامی کوشیێ.
