چن ڕووۍ چێوەڵی کەناڵو گەریلا تیڤی فیلمێوەش دەربارەو ئۆپەراسیۆنە شۆڕشگێڵنیەکا جە هەرێمەکاو پارێزنای مەدیاینە وەڵا کەردۆ. ئی فیلمە یەک سەعاتیە ساتە گرنگەکێ جەنگو کەشەکا کورڎەسانی نیشانە مڎۆ.
جە جیهانو میدیاو ئارۊینە، نمەکریۆ گرنگی ئەرشیفکەردەی بەڵگەنامەکا ۋەرو چەما نەگێرمۍ. بەتایبە چا مەنتیقانە کە جەنگی جددی ڕووو مڎۆ و ڕاسی و دروۍ پێوەرە کوۍ بیێنێوە، گرنگی میدیای زیاتەر مبۆ. جە چن ڕۊی ۋییەرڎەنە، گەریلا تیڤی فیلمێوەش وەڵا کەردۆ کە چنەشەنە ئۆپەراسیۆنە شۆڕشگێڵنیەکێش جە هەرێمەکا پارێزناو مەدیاینە تۆمار کەردێبێنۍ. فیلمەکه ساتە وەختو جەنگەکا جە کەشەکا کورڎەسانینە نیشانە مڎۆ. جە کاتێنە دەوڵەتو تورکی هەوڵ مڎۆ بە شێوێوە ئەرەیاۋناو شکسەکاش سانسۆر بکەرۆ، پۊکەی گرنگی فیلمەکەی چێگەنە ئانەنە کە ئاژەو جەنگی جە هەرێمەکاو گەریلاینە نیشانە مڎۆ کە جە سەختتەرین هەلومەرجەنە، چنی ڕووەمڎۆ حەرپاسە بەڵگێوە قەوەتا پەی هەرمانەو ناوەندەکا توێژینەوەی. فیلمەکە جیاوازا جە خییاڵی یان سیناریۆو جەنگی تایبەتی.
جە فیلمەکا تەرینە بەرئاوەر و سەڎان کرێکارۍ کار مکەرا پەی وەشکەردەی جۆش و خرۆشوو فیلمەکەی. جە دماینە جەمۍ دروۍ پێشکەش بە خەڵکی مکەرا. بەڵام جە فیلمو گەریلاینە هونەرمەڼ و بەرئاوەر و سیناریۆنوویس و وەشکەر خودو گەریلاین ئی فیلمە هەرمانێوە وەشکریێ نیەنە و سەرو بنەماو دەورو ئەکتەرەکا نییا. بەڵکم ئی فیلمە بەتەمامی ڕاسا و گرڎ کات و ساتەکا جەنگی، ڕاسی و هەستی وڵاتپارێزنی جە دڵۆ نیشانە مڎۆ. ئی فیلمه ڕاستتەرین بەڵگەو جەنگوو کورڎەسانیا. بەچالاکییەکاو گەشمەرڎا ڕۆژهاتی و ئەرداڵی کە جە ناوەڼو ئەنقەرەینە جە دڵو دوژمنینە تەقاوە، پرۆسێوە جە مڎرامانی تازە دژوو ئەرەگیرا دەسپنە مکەرۆ، حەرپاسە بە ڕۊشنی بەرگنۆ کە چالاکییەکە چڼە ستراتیجیا و هێز و ورە بە گەلی و گەریلاکا بەخشۆنە و پەیامێوە جددی بە ئەرەگیرا مڎۆ.
دلېینەو فیلمەکەی بە ئۆپەراسیۆنە شۆڕشگێڵنییەکا جە هەرێمەکاو پارېزنای مەدیای دەس پنە مکەرۆ. چی ئۆپەراسیۆنانە سەرەڕاو دەرفەتی کەمی و سنوورداری و هەلومەرجی سەختی، بە خوڵقنای و زانستی سەروازی و دڵسۆزی ئایدۆلۆژی سەرۍ گنا. جە فیلمەکەنە چالاکییەکۍ گەریلای پەی پوچکەردەیۆ پیلانەکا ئەرەگیرکەردەی جە ئاژێوە پا جۊرەنە پەی یاوای بە مەرامەکاشا بە ڕۊشنی بەرۍ گنا. جە فیلمەکەنە بەرگنۆ کە گەریلاکۍ تەنیا هێزێوە ۋەرگیری سەروازیۍ نیەنۍ بەڵکم ڕێکوستەیۍ فکریی ئایدۆلۆژیی قەوەتێنۍ کە متاوا چالاکی فرە وەڵێکۊتە و کاریگەرتەر ئەنجام بڎا. حەرپاسە دیمەنوو وستەیرە وارو فڕۆکە بێ فڕۆکەوانە جۆر بە جۆرەکا سوپاو ئەرەگیری جە ۋێش مگێرۆنە. ئینە پەیامێوەن کە هێزەکۍ گەریلای دەسکۊتۍ گۊرێشا جە جەنگی ئاسمانینە بەدەسئاورڎەن. ئینە ۋێش جە ۋێشەنە گورزێوە گۊرێنە جە بوارەکا سەروازی و سیاسی و ئابوورینە ۋەرو دوژمنی کۆتە.
گەریلاکۍ جە گرڎوو مېڎانەکانە هێزی سەروازی ۋێشا نیشانە مڎا
چالاکی جە دڵوو ئەنقەرەی و ئۆپەراسیۆنی شۆڕشگێڵنی و وستەیرە وارو درۆنە جەنگکەرەکا ئاژېوە ئاسایی نییا. واتە گەریلا گەرەکشا وێنێوە گرڎینو هێزی سەروازی جە گرڎوو مېڎانەکانە نیشانە بڎۆ، جە هەمانکاتەنە جیاوازی بەینو چالاکیی گەریلایی و سوپاو ئەرەگیرکەری بەروزۆ، بەتایبەتی پەرەسانای تەکنەلۆجیاو مڎرامانی و فاڕیای دلۍ هەپەگەینە نیشانە مڎۆ و جە گرڎ ئاژێوەنە پەیامێوە سیاسی پەی ڕای گرڎیی وەڵا مکەرۊوە و نیشانەش مڎۆ کە گەلوو کورڎی جە ۋەرکۊتوو مېیامینینە خاوەن ستراتیجێوە کاریگەرا.
بە وەڵابیەیۆ دیمەنەکا ڕۊشنش مکەرۆوە که چنی سوپاو تورکی ئەرەگیری کۊتەن دلۍ گرفتاریۆ. وەختۍ تەماشەو ئاژەو مەنتیقەکەی مکەری میاوینە کە فرەیی شۊنەماکا ئەرەنیشتەو کورڎەسانی ڕاسەوخۆ بۆردومان مکریا واتە هەوڵ مڎا پڕوپاگەندە پەی ۋێشا بکەرا، مەتڵەبشا شارتەیۆ حەقەتینەکان. حەرپاسە جە بواری سەروازینە هەوڵ مڎۆ ورەو سوپاکێش بەرز بکەرۆوە.
