ئەنجوومەنوو مەکۆیەکاو جمیەروو گۆڕانی سۆران و چۆمان و ڕەواندزەنە ئەرەیاوناێوەشا دژوو داگیرکاری و هجوومەکاو دەوڵەتی داگیرکەروو تورکی وەڵا کەردۆ و ماچا: "ئیدانە و سەرکۆنەو هجووم و پەلامارەکاو ڕژێمی داگیرکاروو تورکیای مکەرمێ پەی سەروو خاکوو کوردسانی بەگردی و بەتایبەت سنووروو ئیدارەی سەربەوێ سۆرانی و مەنتێقەکاو برادۆست و چۆمان و ڕەواندزی".

هەرپاسە ئەرەیاونایەکەنە ئامان: "پارێزنای سنور و خاک و عاسمانوو هەرێموو کوردستانی هەرمانەو حکوومەتی فیدراڵی و حکوومەتوو هەرێموو کوردسانینە و کە هەرمانەو وێشا بکەرا و وەر بە لەشکرکێشیی دەوڵەتوو تورکیای بگێرا."

ئەرەیاونایەکەنە داوا وەنەو نەتەوە یۆگێرتەکا و کونسوڵ و نوێنەرو وەڵاتا و ڕێکوزیایەکا و لایەنە سیاسییەکا و پەرلەمانی کریان، هەڵوێست وربگێرانە پەی راگێری جە ئەرەگیرکاریی دەوڵەتوو تورکی و ماچۆ:" چانەیە زیاتەر سەروەریی خاکوو هورێموو کوردسانی نەبەزیۆ و یاسا میاندەوڵەتییەکێ پاشێڵی نەکریا و هامنیشتمانێ و هامزاوانەکێما گەشمەردێ و بریندارێ نەکریا و مێوەدەیمێ و باخوباخاتوو خەڵکی نەسۆچۆ."

هەرلایەنێوە عێراقنە و کوردستانەنە هامسۆز یا ڕاوەشکەر بۆ چەنی لەشکرکێشیی تورکیای بە خیانەتی نیشتیمانییش مزانمێ".