جە فیلمەکەنە هەنگامە و چالاکییە شۆڕشگێڵنیەکا کە جە پاییزو ٢٠٢٣ تا وەهارو ٢٠٢٤ کریێنۍ، پېسە هەنگامە تاریخیەکا سەردەمی تازەو گەریلای پێناسە مکریۆ.

سەرەتاو فیلمەکەی بە واچە تاریخیەکەو فەرماڼەو ناوەڼی هێزەکا پارێزنای گەلی، موراڎ قەرەیلانی دەسپنە مکەرۆ، کە ماچۆ "ئێمە ستراتیجیانە نزیکۍ ئاژەکەی بیمێوە. پی ستراتیجیە گەرەکمانە دوژمنی هەلا هەلا بکەرمۍ. فیلمەکە ماوەو سەعاتێوە خواینۆ بە نامۍ "یا ئانەنە ملدۍ، یا مردۍ" وەڵاکریاوە.

جە سەرەتاو فیلمەکەینە یاڎو گەشمەرڎا تابوورو نەمرا مکریۆوە. چێگەنە قسەکۍ ڕۆژهات زیلانی وەڵۍ کریێنۍ، کە واتش: "ئشیۍ زووتەر ئی پڕۆسە تازەما دەس پنەکەردەبیۍ (...) هیچما نییا جە دەسش بڎەیمۍ، مشۊم چی مژارەنە قانعۍ بیمۍ. هەنگامەی گولانۍ وەسۍ نییەنە، پەنەوازا هەنگامەی گۊرۍ بنیەیمۍ. هەنگامەی گولانۍ ڕزگارما نمەکەرۆ(...) ئیساتۍ کاتو ئانەینە، پېسە تیمێوە حەقسانی هەست بە ئامادەیی مکەرمۍ، ئیراڎە و متمانەما بە ۋێما هەن. هەڤاڵە گەشمەرڎەکېما سەرمەشقایەتیشا پەی کەردێنمۍ. ئێمە پېسە شۊنکۊتا ئاڎیشا، مڎەیمۍ دڵو دوژمنی، پەی ئانەی پاسە جە هۆش بلا جارێوەتەر هەڎەرشا جە ۋێشا نەمەنۆ. ئینە پاگیری و باوەڕی ئێمەن. کاتێ میاومۍ بە مەرامەکەیما، قەد جە یاڎوو دوژمنی مەشمێوە." وەڵۍ چالاکییە فیداییەکەیش چنی ئەرداڵ شاهینی کە جە ١و تشرینی یوەم و ٢٠٢٣ جە ئەنقەرەنە لواڕاوە، باسش کەردەن.

گەریلێوەتەری فیدایی بە نامۍ ئەرداڵ شاهینی کە بەشدارییش جە چالاکییە فیداییەکەو ئەنقەرەینە کەردەن، ئەرەیاۋناش کە بەپاو ئەرکو ۋێش نزیک مبۆوە. ئەرداڵ شاهین واتش: "پەی ئێمە ئی چالاکییە چالاکیێوە سەرکۊتەن، ئێمە پی جۆرە هورش مگێرمۍ، ۋەرپرسیاریەکەش فرە گۊرەن، پۊکەی ئەنجامی فرە گۆرەش چنە گنۆوە."

فیلمەکە دیمەنو چالاکیی فیدایی جە ئەنقەرەنە جە ۋێش مگېرۆ. دماتەر دیمەنو ئۆپراسیۆنە تاریخیە شۆڕشگێڵنییەکا جە هەرێمو گەشمەرڎە دەلیلینە جە ۋەرنیشتوو زاپی دژوو ئەرەگیرا جە ۋێش مگېرۆ. چی چالاکییەنە کە جە مانگەو تشرینی دووەمینە ڕووەشدا، ٤٩ ئەرەگیرۍ سزا دریۍ، ٢١ مۆڵگۍ سەروازیێ و ١٢ پێگۍ سەروازیۍ دلېنە بریێنۍ.

چالاکیی یەرەم ئۆپراسیۆنی شۆڕشگێڵنانەن کە پەی یاڎو گەشمەرڎۍ لەیلا سۆرخوین ئامەدۍ جە هەرێموو مەتینای کریا. جە چالاکییەکەنە کە جە ٢٦و تشرینی دووەمی جە کەشو چارچەلی کریا، ١٨ ئەرەگیرۍ سزا دریۍ و ٦ ئەرەگیرێچ زامڎارۍ بیۍ.

حەرپاسە جە فیلمەکەنە چالاکییەکاو هێزو پارێزنای ئاسمانی گەشمەرڎە دەلال ئامەدی جە ئاخرو ساڵەو ٢٠٢٣  ێنە دژو فڕۆکه بێ فڕۆکەوانەکا سوپاو تورکی جە کەشو ئامێدینه و ئۆپەراسیۆنی شۆڕشگێڵنیی پەی یاڎو گەشمەرڎە ئەحمەڎ ڕووباری جە خواکورکەنە وەڵۍ کریێنۍ، کە چنەشەنە ٢٧ ئەرەگیرۍ سزا دریۍ و حەرپاسە چالاکییە کاریگەرەکۍ گەریلاکاو سەردەمی تازەی جە فیلمەکەنە وەڵۍ کریێنێوە.

حەرپاسە جە فیلمەکەنە وستەیرە وارو فڕۆکه بێفڕۆکەوانەکا سوپاو تورکی و بەئامانج گېرتەی بنکه سەروازییەکا دەوڵەتو ئەرەگیرو تورکی که سەرەڕاو بۆردومانی سەرەمڕەی ئه نجامدریان وەڵا کریانۆ.

ئی چالاکیۍ پلانەی ستراتیجیەو گەریلاکا و تواناو جابەجێکەردەیشا نیشانە مڎۆ و هاموەخت سەرنج وزۆ سەرو چڕبیەیۆ جەنگەکا و چنەئامایی گەریلاکا کە جە هەلومەرجی سەخت و تەکنەلۆجیاو ناتۆینە بە شارەزایی ۋێشا مڎرامان بەرز مکەراوە و هرووژمەکا بێ کاریگەر مکەرا. جە فیلمەکەنە حەقەتینەکۍ ئاژەو جەنگەکا بە ڕۆشنی نیشانە مڎریا.