٨ ساڵۍ چێوەڵتەر چەتەکۍ داعشی سەرو ڕێوە گرڎییێنە، جە سەعات ٠٩:٢٥ دەیەقۍ، بە تەقنایۆ ترۊمبێلێوە بەبۊمب چنیای شارو قامیشلۆیشا کەرد مەرام. جە ئاکاموو ئەوەتەقایۊکەینە ٦٢ هاموڵاتیۍ کە فرەیشا ژەنی و زاوڵۍ بێنۍ گەشمەرڎۍ بیۍ و ١٧٧ هاموڵاتیێچ زامڎارۍ بیۍ.

بنەیانەو گەشمەرڎا کۆمکوژی قامیشلۆی لوۍ ئا شۊنۍ کە تەقینەوەکەش چنەکریا و وێنۍ کەسە کوشیایەکاشا بەرزۍ کەردێوە. مەراسیمێوە یاڎکەردەیۆیشا رێکوست.

جە مەراسیمەکەنە ئەڼامو ئەنجومەنوو بنەیانەو گەشمەرڎا قامیشلۆی محمەد ئەمین ئیبراهیم گەشمەرڎۍ کۆمکوژییەکەیش یاڎۍ کەردێوە و واتش: "ۋەرو ئانەی مەردموو ئی شاریە باوەڕیش با ئاشتی و پێوەرە ژیۋای هەن، چەتەکۍ ئێگەشا کەرد مەراموو ۋێشا."

جە دمادمای قسەکاشەنە ئیبراهیم قەولوو بەردەوام بیەیش سەرو ڕاو ڕێبازو گەشمەرڎا، تا یاوای بەسەرکەوتەی دا.

مەراسیمەکە بە گیسناینەو ٦٢ مۆما پەی زېڵۍ گەشمەرڎا، دمایش پنە ئاما.