پلاتفۆرموو ڕەنج و دیموکراسیی مێرسینی دژوو هجوومەکا پەی سەروو زوانی و چاندی کوردی کۆنگرێوی ڕۆنامەوانییش بەست.

هامسەرۆکوو لقوو مێرسینوو کۆمەڵەو مافەکاو ئینسانی (ئیهەدە)ی غازی ئینجی ئاماژەش کەرد، بە گێرتەی کوردا بە بۆنەو هورپڕای و گۆرانییە کوردییاوە، واتش: "ئینە هجووما دژوو ئازادیی ویرۆکەردەی، دەسوستەین دلێ ژیوای تایبەتی و تاوانا دژوو بەها چاندییەکا".

هامسەرۆکوو دەم پارتی مێرسینی، ڕەشاد ئاشان واتش: "وەختێو ماچانە کورد و کوردستان ڕاسیێوی ئی وڵاتەینێ، ئادێ ماچا "مشۆم کورد بۆ بە ئا کوردەیە ئێمە گەرەکمانە. ئینە چند ڕوێن هجوومی سیستماتیک بەردەواما. ئێمە کوردێنمێ، زوانما کوردییا، وەڵاتوو ئێمە کوردستانا، مشۆم گرد کەسێو ئی ڕاسییە قبووڵ بکەرۆ".