ئانۍ کە ئارۆنە جە مێڎانەکا جەنگینە دژوو ئەرەگیرا جەنگ مکەرا و ئەرەگیرا ماڕانە، عەگیدەکۍ سەردەمینۍ. ئی مانگۍ مانگەو پێکئامای هەڵمەتەی تاریخیەنە. جە هەر چوار پارچەو کورڎەسانینە هەواو ئەرەکۊشای عەگیدی وەڵابیەنۆ. ئانۍ کە چی هەوا شۆڕگێڵنیەنە هەناسە هۊرلوشا، پەی مڎرامانی دژوو ئەرەگیرا ئاماڎێنۍ. چالاکی قەوەتوو ٦و ئابی چنی چالاکیەکا تەری ئا حەقەتینەیە بەروزا کە گەریلا ئینا جەنگوو سەرکۊتەینە جە دژوو ئەرەگیری و خیانەتی. ئێساڵ ٤٠ەمین ساڵیاڎو هەڵمەتەو جەنگی چەکڎارییا جە کورڎەسانەنە. ئەرەکۊشای ٤٠ ساڵەی بە دڵنییاییوە بە ڕەنجەکاو ڕابەر ئاپۆی و گەشمەرڎاوە یاوا پی ئاستە بەرزەو ئیساتۍ.

خاسا، جیاوازی ١٥و ئابی چێشا؟ ١٥و ئابی جە کورڎەسانەنە سەرەتاو دەسپنەکەردەی جەنگی چەکڎارییا. پەی ئەوەڵجاری جە کورڎەسانەنە هێزێوە چەکڎاری وەش مکەرۆ، کە ماوەو ٤٠ ساڵا بەردەوامی مڎۆ بە ئەرەکۊشای و نمەمەڕیۆ. گەریلاکۍ ئازاڎیی کورڎەسانی خاوەن وەڵینێوە ٤٠ ساڵەو جەنگکەردەینۍ. ئی میراتییە ڕووانە گەورەتەر مبۆ و دژوو ئەرەگیرا جە ئاستێوە فرە بەرزەنە جەنگ مکریۆ. زېڵۍ ئازاڎیی ئینا دڵو گرڎ جەنگەوانێنە. جەنگەوانا ئازاڎیی تۆم و مڎرامانی بە ۋنەو ۋێشا چی خاکەنە ئاوی مڎا. ئارۆیچەنە ئا ئەرەکۊشایە جە گرڎوو مێڎانەکانە، جە زاپ و مەتینانە بریۆڕاوە.

جە ساڵوەگەڕو هەڵمەتەکێنە چالاکییەکاو گەریلاکا ئازاڎیی کورڎەسانی بەردەوامێنۍ و ئەنجام مڎریا و پەیامو؛ زېڵۍ هەڵمەتەو ١٥و ئابی بە ئەرەکۊشای بەدەس مۍ' ئەرەیاۋنا. گەریلاکۍ ئازاڎیی کورڎەسانی جە مانگەو تەمووزینە نمایش (پێرفۆرمانس)ێوە فرە بەرزو ئەرەکۊشایشا تۆمارکەرد. جە ساڵوەگەڕو هەڵمەتەو ١٥و ئابینە ڕێبازو فەرماندەو ۋێشا فەرماندە عەگیدیشا کەرد بە بنەماو جەنگکەردەیشا و ۋەنێوە تاریخیشا فێرو دووژمنی کەرد. جە حەفتەی یوەم و مانگەو ئابینە چالاکیەکۍ گەریلای ڕەوتوو جەنگ و ئی مانگۍ نیشانە مڎۆ.

نۆکەرا بە دەسی ۋێشا خاکو کورڎەسانی ورەشا

جە کەسایەتی گەریلاکاو ئازاڎیی کورڎەسانینە جە هەرێمەکاو پارێزنای مەدیاینە جەنگو حورمەتی ڕاوەبەر مکریۆ. جە ۋەران ۋەرەنە دەوڵەتوو تورکی و هامکارەکێش هرووژمی نا ئەخلاقی و نامرۆڤایەتی ئەنجام مڎا. ۋەروو ئانەی حەقیقەتێوە باڵا جە کەشەکا کورڎەسانینە هەن، گەریلاکۍ ئازاڎیی کورڎەسانی پەی حورمەت و پارێزگاریکەردەی جە خاکو کورڎەسانی ئینۍ مڎرامانەنە. دەوڵەتو تورکی کە هاڵین جە ئەخلاقی و مرۆڤایەتی پەی دلێنەبەردەی دەسکەوتەکا گەلوو کورڎی هرووژم و سەرو تەڤگەری ئازاڎیی کورڎەسانی مکەرۆ. ئانەی یاگۍ داخ و پەژارەین چی جەنگەنە بنەیانەو بارزانی شان بە شانو دەوڵەتو تورکی ئینێ جەنگەنە و بەدەسی ۋێشا خاکو کورڎەسانی ورەشا بە دووژمنی. ئەرکو گەریلاکاو ئازاڎیی کورڎەسانین پارێزنای خاکو کورڎەسانی و دەسکەوتەکۍ گەلو کوردەی بە ۋنەو گەشمەرڎاو خاوەنداری جە میراتوو مڎرامانی بە دەسئامێنۍ.

گەریلاکۍ پی هەستوو ۋەرپرسیاریۆ جە ٦و ئابینە جە دووۍ قۆڵێوە جە مېڎانوو کەشو گارەینە گورزەشا ۋنەو دووژمنی دا و چالاکی کاریگەرشا ئەنجام دا. جە دژوو سەروازا دووژمنی کە بە چەمساغی پەدەکەی ئامێبێنێ دلۍ دەگاو گوهەرزییوە، گورزەی جەرگبڕەشا ۋنە شۍ و دوژمنشا مردنا. شۊنەو ئانەیرە فەرماندێوە سوپاو تورکی بەنامۍ عەلی بەدەسوو گەریلای بەسزا میاوۆ، پی قەرارداریە جە دماتەریچەنە جە گرڎوو بەرەکاوە سەروازا تورکی دلێنە بریۍ. جە هرووژم و گەریلاکاو ئازاڎیی کورڎەسانینە ١٤ سەروازۍ تورکی کوشیۍ و پەنجی تەریچ بە سەختی زامڎارۍ کریۍ. گەریلاکاو ئازاڎیی کورڎەسانی سەرو میراتوو ئەرەکۊشای فەرماندە عەگیدی، کورڎەسانشا فاڕا پەی قەڵاو مڎرامانی. جە دژوو گرڎوو هرووزمەکا بە زېڵۍ هەنگامەو ١٥و ئابیوە جەنگ مکەرا. گەریلا نەک بە تەنیا جە٦و ئابینە، بەڵکم جە گرڎ ساتەکا جەنگینە بە زېڵۍ ١٥و ئابیوە جەنگ مکەرا.