ماوەو ڕوەکاو ٦-٢٥و حوزەیرانینە، یەکینەو گەشمەردە دۆغان زناری بە فڕۆکەی بێفڕۆکەوان دژوو سوپای ئەرەگیرکەرەو تورکی ١٦ چالاکیێش کەردێ. ئەنجاموو چالاکییەکانە لاو کەمیوە ٦ ئەرەگیرکەرێ سزا دریێ و فرەو مقەڕ و مۆڵگەکاو ئەرەگیرکەرا دلێنە بریێ.
دەقوو ئەرەیاوناکەی ناوەندوو زانیاری و چاپەمەنیی هێزەکاو پارێزنای گەل (هەپەگە)ی پێسنەنە:
"گەریلاکاو ئازادیی کوردستانی کە سەروو بنەماو گەریلای مۆدێرنیتەی دیموکراتیکی وێشا ڕێک وستەن، قۆناغوو ئیساتێ کۆشیای چەکداریی ٤٠ ساڵەیمانە ئاستێوی وەرەچەم جە وەڵێکەوتەی تاکتیکی و شارەزایی تەکنیکییشا بەدەس ئاردەن. هێزەکاو گەریلایما بە مدرامانێوە مەیدانەکانە و چێرزەمینییەکاوە بە شێوازوو جەنگوو تیمە وەڵێکەوتەکاما بەسەرکەوتەیی کەردەنشا، وەڵێکەوتەی تاکتیکی یاونانشا عاسمانوو کوردستانیچ. گەریلاکاو ئازادیی جگە جە بەئامانجگێرتەی و وستەیرەی فڕۆکە بێفڕۆکەوانە وەڵێکەوتە جەنگکەرەکاو دەوڵەتی ئینسانکوش و ئەرەگیرکەروو تورکی، کە سەروو عاسمانوو کوردستانیرە مسووڕیانێوە، ئیساتێ تواناو بە ئامانجگێرتەی و دلێنەبەردەی سوپای ئەرەگیرکەرەو تورکیشا عاسمانیچۆ بەدەس ئاردەن.
یەکینەو گەشمەردە دۆغان زناریما، کە بە نامێ فەرماندەی فەداکار و هەمیشە زیندەیما، گەشمەردە دۆغان زناری، کە ئەندامو کۆمیتەو واوەی بنیاتوو پەکەکەی و ئەنداموو کۆنسەو فەرمانداریی هەپەگەی و فەرماندەو هەرێمی ناوەندی بێ نامێ نریان، کە مانگەو حوزەیرانینە مانگەو فیداییانە، وەڵێکەوتەێوی گرنگش کەردەن.
سەروو ئی بنەمێوە؛ ماوەو ڕوەکاو ٦-٢٥و حوزەیرانینە، مۆڵگەکاو سوپای ئەرەگیرکەرەو تورکی هەرێموو گەشمەردە دەلیلینە وەرنیشتوو زاپینە ڕاو فڕۆکە بێفڕۆکەوانەکاو یەکینەو گەشمەردە دۆغان زناری کریێ ئامانج. بنکەو ئەرەگیرکەرا هەرێموو مدرامانوو کەشوو جودی جارێو، بنکەکاو هەرێمەکاو مدرامانوو کەشوو ئێف ئێمی ٢ جارێ و بنکەکاو کەشوو ئامێدیی ١٣ جارێ؛ بە گردیوە ١٦ جارێ بنکەکاو ئەرەگیرکەریی تورکی کریێ ئامانج و گورزشا وەرکەوتەن. بەپاو ئەنجامی ڕۆشنی چی چالاکییانە فڕۆکە بێفڕۆکەوانەکاو یەکینەو گەشمەردە دۆغان زنارینە ؛ "لاوکەمیوە ٦ ئەرەگیرکەرێ سزا دریێنێ و فرەو مۆڵگەکاشا دلێنە بریێنێ، بەتایبەت بنکەکاو ئەرەگیرکەرا بە شێوێوی وەرەچەم ورێشنیێوە."
