هەپەگە ئا یەرە گەریلۍ کە ئاڤاشینەنە گەشمەرڎۍ بیێبێنۍ یاڎێش کەردێوە و واتش: "هەمڕیما شەڤینە، ساریا و عەلی ئی مڎرامانەشا گۊرەتەر کەرد و بە ویستوو ئەرەکۊشای و بەشدارییە بێ سنورەکەیشا، جە تاریخوو ئەرەکۊشایمانە نامۍ ۋێشا نویستۆ."
ناوەڼو ئەرەیاۋنای و چاپەمەنی هەپەگەی دەربارەو گەشمەرڎەبیەی ئا گەریلایا ئەرەیاۋناش:
دەوڵەتو تورکی قڕکەری و ئەرەگیرکەری گرڎ جۆرە تەکنیکێوە جەنگکەردەی ۋەرا ۋەر بە گەریلاکاو ئازاڎیی کورڎەسانی بەکاربەرۆ، چنی ئانەیچ نمەتاوۆ هیچ ئەنجامێوە ۋەرا ۋەر بە ئیراڎەو قەوەتو میلیتانا ئاپۆی بەدەسبارۆ. دەوڵەتو تورکی ئەرەگیرکەری جە ۋەرا ۋەرو مڎرامانوو گەریلاینە گورزەی کوشندۍ نۆشۆ. تەکنیکو سەردەمی کە گەریلا بە وەشکەردەی و چارەسەریێوە گۊرۆ ئەنجامش مڎۆ بیەن بە مۆتەکەو تەرسەو شەوانەو ئەرەگیرا. مڎرامانوو میلیتانا فیدایی ئاپۆیی کە جە تاریخەنە نموونەش نەوینیان، بێگومان دەرەنجامو خەبات و ئەرەکۊشای گەشمەرڎامانە. هەمڕێما شەڤینە، ساریا و عەلی گەرەکشابۍ پارادایموو ئاپۆیی جە گرڎوو مېڎانەکا ژیۋاینە جابەجێبکەرا و مڎرامانی گۊرە بکەرا. هەمڕێما شەڤینە، ساریا و عەلی ئی مڎرامانەشا گۊرەتەر کەرد و بە ویستوو ئەرەکۊشای و بەشداری بێ سنورییشا، جە تاریخوو ئەرەکۊشایمانە نامۍ ۋێشا نویستۆ.
هەمڕێما جە هەرێموو ئاڤاشینینە جە چڼین خەباتێنە بەشدارۍ بێنۍ، بەتایبە پەی ئاماڎەکارییەکا مەڕەکا جەنگی و پەروەردەکەردەی هەمڕایاشا جە کۊششۍ فرەنە بێنۍ. بە هەڵوێسوو موزیڕبیەیشا سەرو هێڵۊو پەکەکەی و پاژکی، جە دژوو هجوومەکا دوژمنی سازشا نەکەرد و بە مۆراڵ و مڎرامانی گۆرۆ وەرپرسیاری ۋێشا یاونا مەنزڵ. ئی میلیتانە ئاپۆیۍ کە کرێڵوو سەرکۊتەی بێنۍ، گرڎ کاتێ ۋێشا بە قەرزارو گەلەکەیشا و گەشمەرڎاما ۋینا و خاوەنداریشا جە ئەرکو سەردەمو ۋێشا کەرد.
سەرساغی ۋێما پەی بنەیانەو هەمڕایاما شەڤینۍ، ساریۍ و عەلی، پەی گەلوو کورڎەسانی وڵاتپارێزیما موازمۍ. قەولما واوەی مکەرمېوە کە ئاڵاو سەرکەوتەی کە هەمڕاکێما ڕادەسو ئێمەشا کەردەن، بە سەرکەوتەی بیاونمۍ.
زانیاریی سەرو شناسنامەو هەمڕا گەشمەرڎەکاما پی جۊرەنە:
ناسنامۍ / شەڤین ئامەد
نامۍ و دما نامۍ / ئۆزلەم بەرفە
شۊنماو جە ئەڎابیەی / جۆلەمێرگ
نامۍ ئەڎۍ و نامۍ تاتەی / زەینەب – رەشید
شۊنماو وەختوو گەشمەرڎەبیەی / ٢٧و تەمموزو ٢٠١٧ / ئاڤاشین
*****
ناسنامۍ / عەلی چیچەک جودی
نامۍ و دما نامۍ / حاجی سەزەر
شۊنماو جە ئەڎابیەی / شڕناخ
نامۍ ئەڎۍ و نامۍ تاتەی / غوربەت – شەحموس
شۊنماو وەختوو گەشمەرڎەبیەی / ٢٧و تەمموزو ٢٠١٧ / ئاڤاشین
*****
ناسنامۍ / سارا ڕوناهی زاگرۆس
نامۍ و دما نامۍ / لەیلا ئاڤجی
شۊنماو جە ئەڎابیەی / مێردین
نامۍ ئەڎۍ و نامۍ تاتەی / زەهرا – ساڵەح
شۊنماو وەختوو گەشمەرڎەبیەی / ٢٧و تەمموزو ٢٠١٧ / ئاڤاشین
